Ná luoikkahat
Don fertet leat registrerejuvvon luoikkaheaddjin Sámi allaskuvlla girjerádjosis jus galggat sáhttit luoikkahit. Allaskuvlla bargit ja studeanttat geavahit studeanttakoartta/bargikoartta luoikkahankoartan. Olgguldas luoikkaheaddjit geain ii leat gullevašvuohta allaskuvlii, sáhttet maid luoikkahit. Dat vejolašvuohta ii gusto elektrovnnalaš mediaide.
Girjjiid luoikkaha luoikkahanautomáhtas girjerádjosis. Elektrovnnalaš mediaid dego CDaid ja DVDaid luoikkaha skráŋka bokte.
Mii ávžžuhit geavaheddjiid ieža ohcat materiálaid Orias dárkkistan dihte leago materiála siste, ja guđe hildus dat gávdnoše.
Sisaloggen Oria:ii Sámi allaskuvlla bargiide ja studeanttaide
Jus leat bargi dehe studeantta, de geavahat iežat dábálaš Feide-geavaheaddjinama ja beassansáni sisaloggemii.
- Mana deike Oria ja deaddil [Logge sisa] bajágeahčen čiegas olgeš bealde.
- Juohke háve go logget sisa ođđa dihtoris dehe neahttalohkkis, fertet válljet gullevašvuođa (affiliation). Du gullevašvuohta lea Sámi allaskuvla. Don logget sisa iežat Feide bokte.
