Ođđasat
- Ohcanáigemearri allaskuvladirektevravirgái lea guhkiduvvon
- Gárve iežat oahpaheaddjeoahpu kvalifiserenortnega bokte!
- Sámi allaskuvla ohcá direktevrra
- Šatta ofelažžan - Sjatta oahpestiddjen - Tsïegline sjïdth!
- Sámi buohccidivššároahppu – don sáhtát váikkuhit makkár sisdoallu galggašii
- Guhkiduvvon ohcanáigemearri čavčča 2021 oahpuide!
- Háliidat go bargat studeanttadoaimmaiguin ja seammás diinet ruđa? De geahčes deike!
- Ohcanáigemearri oahpuide láhkonišgođii
- Studeanttaid sisabeassan Diehtosiidii 29.03-12.04
![Beaivváš buollašis Picture of the returning sun. Once again shining in Guovdageaidnu.](https://samas.no/sites/default/files/styles/hovedbilde/public/mahtte_sikku_valio_govven_17.jpg?itok=QrGfMiYw)
Matematihkka ovdakursa neahta bokte
Matematihkka neahttakursa olahit árvosáni 4 daidda geat áigot ohcat oahpaheaddjeohppui
Livččet go don háliidan ohcat sámi oahpaheaddjeohppui, muhto váilu árvosátni 4 matematihkas?
Dus lea 2020 giđa vejolašvuohta váldit neahttakurssa matematihkas, man bokte oaččut kurssa ja bagadallama ja vejolašvuođa geahččalit olahit 4ža. Matematihkka neahttakursa lágida universitehta lulde, Universitetet i Sørøst- Norge( USN), muhto lea rabas buohkaide olles riikkas.
Sámi allaskuvla fállá liigebagadallama kurssa olis
Sámi allaskuvla áigu veahkehit du jus don lea vejolaš ohcci sámi vuođđoskuvlaoahpaheaddjeoahpuide mat álget 2020 čavčča Sámi allaskuvllas, ja leat áigume loktet matematihkka árvosáni. Dieđit iežat USN matematihkka neahttakursii! Sámi allaskuvla fállá liigeveahki ja bagadallama buot vejolaš ohcciide, geat dieđihit USN neahttakursii loktet matematihkkaárvosáni ja áigot Sámi allaskuvlii ohcat.
Dieđut kurssa birra
Dieđiheapmi USN matematihkka neahttakursii rahppo 15.1.2020 rájes, ja áigemearri dieđihit privatistaeksámenii lea 1.2.2020 .
Matematihkka neahttakursa lea rabas buohkaide geat áigot oahpaheaddjeohppui ohcat, muhto geat eai deavdde matematihkka sisaváldineavttu mii lea árvosátni 4 dahje buoret (224 diimmu). Kurssas oahpahuvvo fágain 1P, 2P, 1P-Y ja 2P-Y. Oktiibuot bistá matematihkkakursa 11 vahku.
Dus ferte leat pc, web-kamera, oaivetelefuvnnat, mikrofuvdna ja buorre interneahtta.
Matematihkkakursa álgá vahkku 9, mánnodaga 24.2.2020 dahje distaga 25.2.2020 rájes, ja loahpahuvvo vahkku 20, gaskavahku 13.5.2020 dahje duorastaga 14.5.2020.
Oasseváldit čuvvot oahpahusa sierra klássas. Leat guokte vejolašvuođa mo dieđiha kursii:
- 1.válga: Mánnodagaid ja gaskavahkuid dii. 18.00- 19.30
- 2. válga: Distagaid ja duorastagaid dii. 18.00 - 19.30
Oahpahus lágiduvvo nu ahte leat e-bargobihtát maiguin oasseváldit barget ovdal oahpahusaid. Oahpahusat dáhpáhuvvet digitála luohkkálanjas. Digitála luohkkálanjas sáhttet leat sihke joavkobarggut, fágalaš oahpahus ja ságastallamat.
Sisaváldingáibádus beassat matematihkkakursii:
- Oppalaš lohkangelbbolašvuohta (ceavzán joatkkaskuvlla) dahje olaha oppalaš lohkangelbbolašvuođa 2020 giđa.
- Árvosátni 2 matematihkas.
- Dieđihan iežat privatistaeksámenii juogo 1P/ 2P/1P-Y/2P-Y
Dieđiheapmi matematikkursii: 15. 1.– 1. 2 2020 (seamma áigemearri go privatistaeksámenii)
Dieđiheapmi neahttasiidduid bokte Nettskolen Vestfold rabas 15.1 2020 rájes: www.vtfk.no/nettskolen
Dieđiheapmi privatistaeksámenii: www.privatistweb.no. Eanas filkkain rahppo vahkku 3 (13. 1. 2020 rájes) Áigemearri: 1.2. 2020 (seamma áigemearri go matematihkkakursii). Fuomaš, sierra mearkkašumit daidda geat čađahit Nordland- filkkas.
Dieđiheapmi Sámi allaskuvlii: Jus don leat okta Sámi allaskuvlla ohcciin ja áiggut dieđihat iežat USN matematihkka neahttakursii, dieđit maiddái iežat Sámi allaskuvlii vai mii sáhttit du veahkehit. Dieđihit dán maila bokte: studieadm@samiskhs.no