Ođđasat
- Ohcanáigemearri allaskuvladirektevravirgái lea guhkiduvvon
- Gárve iežat oahpaheaddjeoahpu kvalifiserenortnega bokte!
- Sámi allaskuvla ohcá direktevrra
- Šatta ofelažžan - Sjatta oahpestiddjen - Tsïegline sjïdth!
- Sámi buohccidivššároahppu – don sáhtát váikkuhit makkár sisdoallu galggašii
- Guhkiduvvon ohcanáigemearri čavčča 2021 oahpuide!
- Háliidat go bargat studeanttadoaimmaiguin ja seammás diinet ruđa? De geahčes deike!
- Ohcanáigemearri oahpuide láhkonišgođii
- Studeanttaid sisabeassan Diehtosiidii 29.03-12.04
![](https://samas.no/sites/default/files/styles/hovedbilde/public/field/image/rektorahtta_2023.png?itok=eUmBV3Tx)
Liv Inger Somby lea Sámi allaskuvlla ođđa rektor
Liv Inger Somby lea válljejuvvon rektorin Sámi allaskuvlii. Son oaččui 60,1 % jienain. Henrik Samuel Valkeapää lea válljejuvvon prorektorin. Soai leaba válljuvvon áigodahkii 1.8.23 – 31.7.27.
Jienastanboađus lea čielggas maŋŋel go jienasteapmi loahpahuvvui cuoŋománu 14. beaivvi 2023 ja válgastivra lea dohkkehan válggaid.
- Mun sávan lihkku Liv Inger Sombyi ja Henrik Samuel Valkeapää válgabohtosiiguin. Lea leamaš miellagiddevaš čuovvut válggaid go leat leamaš gilvaleaddji rektorevttohasat, juoga mii ii leat nu dávjá leamaš Sámi allaskuvlla historjjás, dadjá válgastivrra jođiheaddji Anne-Marie Gaino.
Oktiibuot ledje 71,6 % Sámi allaskuvlla bargiin ja studeanttain geat jienastedje. 1,2 % jienasteddjiin eai addán jiena goappá ge teamai.
Otná rektor Laila Susanne Vars ja prorektor Ylva Jannok Nutti doaibmaba virggiin gitta suoidnemánu 31. beaivvi 2023 rádjái.