Ođđasat
- Nominerejuvvon girjjálašvuođabálkkašupmái
- Lovisa Mienna Sjöberg oažžu dutkanbálkkašumi
- Ođđa raporta: Mii lea sámi perspektiiva ođđa oahppoplánain?
- Ofelaččat ohcet eambbo bártniid! Ođđa ohcanáigemearri.
- Ođđa Dieđut-girji almmuhuvvon
- - Dán jagi mii ohcat olles guhtta ođđa sámi ofelačča!
- Ođđa girji sámi dáidaga ja duoji dili birra
- Sámi hálddašansuohkaniid sátnejođiheaddjit čoahkkanan Sámi allaskuvllas
- Ođđa Sámi dieđalaš áigečála almmuhuvvon
![Oahppomeassuin Romssan Bilde av SA stand på utdanningsmessa med personer i bild.](https://samas.no/sites/default/files/styles/hovedbilde/public/field/image/img_20170209_133346.jpg?itok=ZG1G0QaJ)
– Leatgo dis oahpaheaddjit midjiide?
Sámis lea stuora dárbu Sámi oahpaheddjiide.
Sámi allaskuvla lea odne ja ihttin Romssa oahppomeassus. Doppe jearahii okta vuođđuskuvlaoahpaheaddji leago Sámi allaskuvllas oahpaheaddji sidjiide.
– Mun sihten su fállat barggu min dálá oahpaheaddjestudeanttaide, muitala Mikkel Ole Eira, Sámi allaskuvlla rekruterenkonsuleanta.
Álgge oahpaheaddjin čakčii
Dábáleamos gažaldat
– Sáhttágo vaikko gii oahppat sámegiela? Mikkel Ole Eira muitala ahte dát gažaldat sáhttá leat dat dábáleamos maid beassá gullat dákkár oahppomeassus. Mikkel Ole Eira ja Ellen Marianne Siri leaba Tromsøhallenis vuovdaleamen Sámi allaskuvlla oahppofálaldagaid.
Soai láveba vástidit ahte ii dárbbaš leat sápmelaš Sámi allaskuvlla studeantan šaddat. Muhto eanasoassi oahppofálaldagain leat sámegillii. Datge ii dárbbaš hehttehussan leat, go Sámi allaskuvla fállá oahpuid maiddái eará gielaide.
Sámi allaskuvla fállá sámegieloahpu easkaálgidásis gitta doavttirgráda dássái.
Šatta don maid studeantan Sámi allaskuvllas!
Geahča min oahppofálaldagaid.