Ođđasat
- Okta olmmoš ii sáhte muitalit visot
- Neahttaoahpahus ja deaivvadeamit
- Matematihkka 1P/2P/1P-Y/2P-Y jus áiggut oahpaheaddjeohppui - áigemearri 1.2.
- Vuosttaš allaskuvla mii balvii lea bidjan visot doaimmaid
- Fargga beasat ohcat Boazoealáhusa bachelorprográmmii
- Guhkiduvvon ohcanáigemearri giđa oahpuide
- Sámi allaskuvllas leat ođđa ambassadevrrat Ruošša bealde
- Ođđa direktevrrain oahpásnuvvat
- Dulkkaid autoriserenvuogádat
![](https://samas.no/sites/default/files/styles/hovedbilde/public/field/image/rabas_virgi_1_0.png?itok=tRCYR6xu)
Háliidat go bargat studeanttadoaimmaiguin ja seammás diinet ruđa? De geahčes deike!
SSO lea válljen vel guhkidit ohcanáigemeari 01.05.21 rádjái! Ávžžuhehpet áinnas mielstudeanttaid ohcat dán gelddolaš virgái! Dán virggis beasat earret eará plánet studeanttaide feastaid, doaimmaid, aktivitehtaid ja diinet vel dainna Ale fal divtte dán vejolašvuođa mannat, oza fal!
Ráđđehus lea juolludan ruđa maid SSO galgá geavahit virgádit studeanttaid geat galget bargat studeanttaid sosiála fálaldagaiguin. Vuosttažettiin lea bargu olggos giđđalohkanbaji 2021, muhto doaibma sáhttá guhkiduvvot 2021-2022 oahppojahkái.
Mii dárbbašit studeantta gii sáhttá álgit jođáneamos lági mielde ja geas lea vejolaš bargat geasi rádjái.
Virggi barggut:
Plánet ja čađahit studeantta doaimmaid
Bargat diehtojuohkimin fálaldagaid birra
Bargat studeantta deaivvadanbáikkiin
Lagas ovttasbargu studeanttastivrrain
Eará relevánta barggut dan oktavuođas
Gáibádus virgái
Sámi allaskuvlla studeantta
Beroštupmi plánet ja čađahit studeanttaide doaimmaid
Mii fállat
Miellagiddevaš barggu mii addá buori bargovásáhusa
Bálkká tariffa mielde
Sáddes oanehis ohcama dieđuiguin gos čilget manne don galggat oažžut virggi.
Ohcan, CV ja relevántta dieđut sáddejuvvojit e-postii: sso@ssosamas.no
Eanet dieđuid oaččut go válddát oktavuođa SSO direktevrain
Ole Anders Skum 91811499 ole.skum@ssosamas.no
Ohcanáigemearri: 01.05.21