Ođđasat
- Nominerejuvvon girjjálašvuođabálkkašupmái
- Lovisa Mienna Sjöberg oažžu dutkanbálkkašumi
- Ođđa raporta: Mii lea sámi perspektiiva ođđa oahppoplánain?
- Ofelaččat ohcet eambbo bártniid! Ođđa ohcanáigemearri.
- Ođđa Dieđut-girji almmuhuvvon
- - Dán jagi mii ohcat olles guhtta ođđa sámi ofelačča!
- Ođđa girji sámi dáidaga ja duoji dili birra
- Sámi hálddašansuohkaniid sátnejođiheaddjit čoahkkanan Sámi allaskuvllas
- Ođđa Sámi dieđalaš áigečála almmuhuvvon
![](https://samas.no/sites/default/files/styles/hovedbilde/public/field/image/_diedut_ill_1_1206444018_250x136.jpg?itok=kao3L4UL)
GIRJEALMMUHEAPMI - ođđa Dieđut-čála 2/2015 lea almmustuvvan
Báiki: Diehtosiidda kantiidna, Guovdageaidnu
Áigi: 17.2.2016 dii 14.00-14.30
Ođđa Dieđut-čála 2/2015 lea almmustuvvan. Dat lea jagi 2013 Sámegiela ja sámi girjjálašvuođa symposia ávvučála Nostalgiija, naga ja eará gielalaš ja kultuvrralaš fenomenat. Artihkalčoakkáldaga vuođđun leat sáhkavuorut mat dollojuvvojedje symposias. Čoakkáldagas leat vihtta artihkkala, mat guorahallet sámi girjjálašvuođa ja sámegiela ja kultuvrra fenomenaid. Artihkalčállit leat Lene Antonsen&Laura Janda, Kaisa Rautio Helander, Piia Juuso, Hanna Mattila ja Jussi Ylikoski.
Girjji leat doaimmahan Vuokko Hirvonen, Johanna Johansen Ijäs, Marjatta Jomppanen ja Kaarina Vuolab-Lohi.
Girjji sáhttá oastit Finnmark kontorservices, Guovdageainnus, dahje diŋgot čujuhusas: Odd Mikael Hætta (odd.m.haetta@fks.as) dahje Hanne Merete H. Gaup (hannemh@fks.as).
Boađe gullat eambbo girjji birra! Fállat gáfe ja gáhku.