Dál lea ohcanportála rabas - áigemearit ja oahppofálaldagat čakčat
Guovvamánu 6. beaivvi lea ohcanporála Samordna opptak rabas nu ahte sáhtát ohcat alitohppui. Oahput álget čakčat 2025. Ohcanáigemearri lea cuoŋománu 15. beaivvi 2025 eanas oahpuide.
Fuomáš ahte njukčamánu 1. beaivvi lea áigemearri jus don áiggut ohcat reálagelbbolašvuođa vuođul dahje jus dárbbašit iešguđet ákkaid geažil árrasisaváldima bokte ohcat - loga eambbo geat sáhttet ohcat árrasisaváldima áigemeari siskkobealde dás.
Muitte ahte duođaštusat galget maid biddjot mielddusin go ozat. Jus dus eai leat dat vel sajis, de sáhtát daid maŋŋil laktit sisa, muhto goit ge áigemeriid siskkobealde - geahča áigemeriid dás.
Sámi allaskuvlla oahpuid mat álget 2025 čavčča:
Jus dus leat jearaldagat, de váldde oktavuođa oahppohalddahus@samas.no dahje sáhtát riŋget maid telefuvdnii +47 78448400 ja bivdit Oahppohálddahusa bargiid ságaide. Sii hupmet sihke sáme-, dáro-, ruoŧa-, suoma-, ruošša- ja eŋgelasgiela.
