Ođđasat
- Studeantačálus 2: “Movt don sáhtát váiban go leat dušše beaivvi stoahkan mánáiguin?”
- Studeantačálus: Don it leat beare boaris mánáidgárddis bargat
- Doarjja Sámi allaskuvlla joatkkaoahpuide
- Oza čavčča oahpuide!
- Nanu dulkaáŋgiruššan sámegielain Sámi allaskuvllas
- Sámegiela ja sámi girjjálašvuođa masteroahppu addá ođđa bargovejolašvuođaid
- Ovttastallan ja siiddat otnábeai servodagas
- Lihkku beivviin!
- Sámi allaskuvllas lea girjás ja miellagiddevaš prográmma Sámi vahkkus
![Sámi allaskuvlla rektor Liv Inger Somby ja UiT dekána Gunbjørg Svineng leaba vuolláičállán ovttasbargošiehtadusa.](https://samas.no/sites/default/files/styles/hovedbilde/public/buohccidivssar.jpg?itok=7krWLTvD)
Buohccidivššároahppu: ovttasbargošiehtadus UiT:in sajis
Dál lea UiT Norgga arktalaš universitehta ja Sámi allaskuvla vuolláičállán šiehtadusa mii sihkkarasta ahte sámi buohccidivššároahppu álggahuvvo juohke nuppi jagi Sámi allaskuvllas.
Šiehtadusas boahtá ovdan ahte oahppu lea oassin UiT buohccidivššár bacheloroahpus, ja Sámi allaskuvllas lea ovddasvástádus sámi sisdoalus ja lohkanbáiki lea Sámi allaskuvllas Guovdageainnus. Stuoradiggi lea 2019:s juolludan ruđa ásahit sierra sámi buohccidivššároahpu. Vuosttaš studeantajoavku álggii 2021:s ja oahppu bistá njealjje jagi.
-Lea hui buorre go dál lea vuolláičállon Sámi buohccidivššároahpu ovttasbarggus gaskkal UIT ja Sámi allaskuvlla. Oahppu han lea juo jođus. Mihttun lea ahte mii duođaid vuoruhat ja ovdánahttit buohccidivššároahpu, ja ahte dát lea davviriikalaš dásis, miehtá Sápmái, dadjá rektor Liv Inger Somby.