Mun lean sámegiela professor. Mu váldodutkanberoštupmi lea grammatihkka, ja dat movt mánát oččodit grammatihka. Lean guorahallan mánáid sojahanhámiid, goallossániid ja modalitehta almmuheami, ja dasa lassin lean geahčadan muhtun beliid giellaoččodeaddji máná guovttegielatvuođas. 

Mun jođihan sámegiela ja sámi girjjálašvuođa masterprográmma ja oahpahan earenoamážit akademalaš čállima, sihke master- ja doavttirgrádadásis.

Mun lean lohkan sámegiela váldofágaoahpuid Romssas, UiT Norgga árktalaš universitehtas, ja doavttirgrádaoahpuid čađahin Oulu universitehtas. Lean ovdal bargan sihke dalá Sámi Instituhtas, ja UiT Norgga árktalaš universitehtas.

Ođđaseamos almmuheamit

Gaup, J. I. 2026: Sátnehámiid guođohit – Sániid sojaheapmi gielladikšungeahčastagas. Davvi Girji.

Gaup, J. I. 2026: Sátnehámiid guođohit – Sániid sojaheapmi gielladikšungeahčastagas. Bargobihtáid čovdosat. Davvi Girji. 

Gaup, J. I. 2025: The acquisition of morphology and morphophonology in North Saami. – Kirjavainen, Minna & Lukács, Ágnes & Vihman, Virve-Anneli (doaimm.), First Language Acquisition in Finno-Ugric Languages. Trends in Language Acquisition Research 33. Benjamins.

Buot dieđalaš ja eará almmuhemiid listu lea dás vuollelis.