Bilde av Torunn Pettersen og Magritt Brustad.
november 04. beaivi 2015

Nákkáhallá dearvvašvuođa dutkama birra

Cand. Polit. Torunn Pettersen nákkáhallá odne phd-grádii dearvvašvuođadiehtagis ja bealušta almmolaččat nákkosgirjji mas guorahallá sámi etnisitehta dutkama variábelin. 

UiT Norgga árktalaš universitehta lea lágideaddji dán ekstearna nákkáhallamii Diehtosiidda auditorias, Sámi allaskuvllas, Guovdageainnus dii. 12:15-16:00. Nákkáhallan dollojuvvo dárogillii. 

Juohke dutkkus mii spesifiserejuvvon álbmotjoavkku eallineavttuid dutká ferte defineret geat gullet jovkui. Váilevaš sámi-demográfalaš dáhta ja eahpečielga sámi-etnalaš rájit leat hástalussan daidda geat háliidit atnit sámi etnisitehta variábelin dutkamušain man ulbmilin lea kvantitatiiva máhttu populašuvnna dási dearvvašvuođa ja eallindili minstariid birra Norggas. Cand. Polit. Torunn Pettersena nákkosgirjji “Sámi ethnicity as a variable. Premises and implications for population-based studies on health and living conditions in Norway” ulbmil lea addit eambbo systemáhtalaš máhtu – ja ipmárdusa – fáktoriid birra mat sáhttet váikkuhit dakkár dutkamušaid hábmema, bohtosiid, ja dulkomiid.

Dutkosa váldosáhka lea ahte ii lean vejolaš árvalit čielga čovdosa mo operašonaliseret sámi etnisitehta. Ákkastallojuvvo ahte váldohástalus lea vihkkedit gaskkal mihttomeriid ‘Sámi giellačanasteapmi’ ja ‘Iešidentifiseren sápmelažžan’. Ákkastallojuvvo maid ahte go geavaha sámi etnisitehta variábelin de ferte leat dihtomielalaš siskkáldas sámi variašuvdnii ja kompleksitehtii mii gullá etnihkalaččat sirrejuvvon populašuvnnaid dutkamii. Oktiibuot fállá dutkkus systematalaš gova mii sáhttá dagahit ahte šaddá čielgaseabbon geaid birra mii hupmat go fádda lea dearvvašvuohta ja eallindilit muhtun populašuvnnas mii ii leat addojuvvon ii ge oktalaš.

Bilde av Per Selle og Torunn Pettersen fra disputas.

Disputas:
1. opponent Professor Per Selle, Institutt for sammenliknende politikk, Universitetet i Bergen og kandidat Torunn Pettersen.

Bagadallit
Váldobagadalli professor Magritt Brustad
Nubbi bagadalli professor Nils Oskal 

Bilde av Torunn Pettersen, Per Selle, Oddgeir Friborg og Kjersti Bakken.

Árvvoštallanlávdegoddi
Professor Per Selle, Institutt for sammenliknende politikk, Universitetet i Bergen, – 1. opponeanta
Professor Oddgeir Friborg, Institutt for psykologi, UiT Norgga árktalaš universitehta, – 2. opponeanta
Vuosttašamanuensa Kjersti Bakken, Institutt for samfunnsmedisin, UiT Norgga árktalaš universitehta, – lávdegotti jođiheaddji

Bilde av Jan Rosenvinge, disputasleder.

Nákkáhallanjođiheadddji
Professor Jan Rosenvinge, Institutt for psykologi, Det helsevitenskapelige fakultet, UiT Norgga árktalaš universitehta

 

Bilde av Torunn Pettersen

Torunn Pettersen riegádii Čáhcesullos 1959:s. Son bajásšattai Deanus, Ivggus, Divttasvuonas ja Fauskes. Son lea cand.polit. váldofágain stáhtadiehtagis. 1989 rájes son lea leamaš čatnon Sámi allaskuvlii Guovdageainnus; jagi 2000 rájes servodatdutkin ovdalaš Sámi Instituhtas. Su guovddáš dutkanberoštumit leat eavttut dieđahuksemii ja oaivilčuožžilemiide sámi gažaldagain. Dárkileappot beroštumit leat sámedikkeválggat ja bealit mat gusket kvantitatiivvalaš dieđuid háhkamii ja geavaheapmái sámiid ja eará álgoálbmogiid birgenlágis.

Oktavuođadieđut: Torunn Pettersen, Tel. +47 78 44 85 59 / Mob. +47 905 000 84, torunn.pettersen@samiskhs.no