juni 03. beaivi 2015

Máŋgasat háliidit mielde ofelašprográmmii

“Mii leat hui ilus ja maiddái veaháš gelddolaččat, dadjá Risten Länsman Sámi allaskuvllas guhte bargá ofelašdoaimmain”.
 

Ohcanáigemearri beassat mielde ofelašprográmmii nogai mannan ija ja Sámi allaskuvla guhte jođiha ofelašdoaimma, dieđiha ahte leat olles 13 sámi nuora miehtá sámi guhte leat sádden ohcama.

- Mii leat vásihan ahte lea alla dássi ohcciiguin ja jagis jahkái leat vásihan ovttalágan luksus váttisvuođa daningo mii eat sáhte válljet eanetgo 4 nuora ofelašprográmmii dadjá Länsman. Mii ohcat sámi nuoraid miehtá sámi ja maiddái earálágan kulturduogážiin.


Dán jagáš njeallje ofelačča Anne Berit Pulk, Jon-Christer Mudenia, Sara Marja Utsi ja Yvonne Marie Miniggio gerget farga doaimmas ja addet dan viidásit 4 ođđa sámi nurrii. 
Ofelašalmmuheapmi dáhpáhuvvá Márkomeanu festiválaš bearjadaga 24. Beaivvi suoidnemánus.

 
Gulahallanolmmoš:
Risten Länsman        Mobil: 950 52 984        E-mail: ristenrl