Latest news
- Studier med søknadsfrist 01.09.24
- Bo, spise og barn i barnehage mens du studerer
- Opptakskravene til lærerutdanninga er endret
- Studere til til høsten? Vi har forlenget søknadsfristen!
- Seks nye samiske veivisere
- Nye samiske veivisere offentliggjøres i Europas kulturhovedstad 2024
- Vil du omprioritere studieønsket ditt?
- Konsekvenser for Sámi allaskuvla når 27 ansatte er i streik
- Harald Gaski utnevnt til æresdoktor
![](https://samas.no/sites/default/files/styles/hovedbilde/public/event/images/event_cover.png?itok=vMxXph-a)
Rabasbeaivi 2023
Háliidivččet go diehtit makkár oahppofálaldagat Sámi allaskuvllas leat?
Guovvamánu 28. b. lágidit Rabasbeaivvi Sámi allaskuvllas, Guovdageainnus gaskal dii. 10:00 - 14:00. Dalle lea buorre vejolašvuohta oahpásmuvvat min oahppofálaldagaide ja muđui maid allaskuvlla birrasii.
- Vuosttaš oassi prográmmas čađahuvvo Sáhkaskáiddis (Diehtosiidda auditorias), gos earret eará leat logaldallamat čavčča oahppofálaldagaid birra.
- Nuppi oasis, maŋŋel oktasaš lunša, galget oasseváldit joavkkuid mielde fitnat iešguđet bargobájiin Diehtosiiddas. Juohkehaš gii čađaha bargobáji lea mielde vuorbádeamis AidPods Pro, maid juohkit loahpas beaivvi. Logaldallan ja bargobájit leat heivehuvvon 10. luohkká ohppiide/joatkkaskuvllaohppide ja das bajásguvlui.
Lea maiddái vejolaš fitnat iešguđet stándain, earret eará Sámi ofelaččat, NRK Sápmi, SSO, Sámi lohkanguovddáš ja Ovttas/Aktan/Aktesne. Mii guossohit maiddái nuvttá gáfe ja gáhku buohkaide.
Prográmma
Dii. 10:00 Sáhkaskáiddis
|
Dii. 11:00 - 12:00 Oktasaš lunša ja stándain fitnán Oktasaš lunša gussiide (dieđihuvvon ovdagiiti). |
Dii. 12:00 - 13:30 Bargobájit
|
Dii. 13:30 - Loahpaheapmi ja vuoittuid juohkin kantiinas |
Logalldallan - Fred Buljo
Fred-René Øvergård Buljo, dahje Fred Buljo, lea Guovdageainnus eret. Fred Buljo lea dovddus sámi musihkar, rappár, juoigi ja produseanta. Son lea dovddus earret eará ráp – joavkkus Duolva Duottar ja KEiiNO joavkkus, geat jagis 2019 vuite Norgga Melodi Grand Prix šuoŋain Spirit in the Sky. Fred Buljo lea maiddái oahppan mánáidgárdeoahpaheaddji mas lea musihkkačiekŋudeapmi OsloMet universitehtas. Son lea olu jagiid bargan mánáidgárdeoahpaheaddjin ja hárjehallanoahpaheaddjin sámi mánáidgárddis Oslos.
Son áigu ge rabasbeaivvi muitalit earret eará manne son válljii mánáidgárdeoahpaheaddjeoahpu. Šaddá hui gelddolaš!