North2North

Norga, Suopma, Ruoŧŧa ja Dánmárku lea ruhtadan North 2 North lonohallanprográmma, ja lea ovttasbargu árktalaš oahppaásahusaid gaskkas.

North 2 North prográmmas leat buorit vejolašvuođat váldit oanehisáiggi dahje guhkitáigge lonohallama olgoriikkas. Jus háliidat vuolgit guhkitáigge lonohallamii, de don fertet leahkit studeanta bachelor-, master dahje doavttirgrádadásis. Don beasat mannat lonohallamii maŋŋel go leat čađahan ja ceavzán vuosttaš jagi oahppoprográmmas. Lonohallan heivehuvvo oahppoprográmmaplánii, ja lea maiddai várrejuvvon sierra áigi oahppoplánas lonohallamii. Dan botta go leat Sámi allaskuvlla studeanta, de sáhtát North 2 North bokte buoridit du máhtu davviriikkalaš, árktalaš fáttáid ja álbmogiid birra eará allaskuvllain ja universitehtain. Soitet fágat maid Sámi allaskuvla ii fála, ja mat leat dehálaččat du ohppui.

Don sáhtát vuolgit lonohallamii oahppoásahusaide mat leat North2Northas miellahtut.

Don sáhtát vuolgit lonohallamii čuovvovaš riikkaide:

  • Kanada
  • Dánmárkku
  • Fearsullot
  • Suoma
  • Ruonáeatnama
  • Islándda
  • Norgga
  • Ruoŧŧa
  • Frankriika
  • Skottlánda
  • Amerihká

 

Man guhka sáhtát leahkit lonohallamis, ja man ollu oaččut stipeanddas?

North2North bokte don sáhtát leahkit 1 vahkku gitta 12 mánu lonohallamis juohke dásis  prográmmaoahpus. Dat mearkkaša ahte don sáhtát vuolgit lonohallamii 1 váhku gitta 12 mánu bachelordásis, ja de fas 1 váhku gitta 12 mánu masterdásis.

Davvi-Ámerihkas lea dábálaččat nu ahte don šattat máksit oahppodivvaga, muhto lea vejolaš ohcat tuition fee waivera. Dát leat rabas oahpposajit masa eanas oassi oahppodivvagis gokčojuvvo. Vuođđu stipendii árvvoštallojuvvo oaččut go don tuition fee waiver vai it. Stipeanda lea 8 000 NOK mánus jus oaččut tuition fee waivera, ja 12 000 NOK mánus tuition fee waivera haga. Norgga beale studeanttain leat vuoigatvuohta oažžut lonohallanstipeanda stáhta Loatnakássas lassin dáidda stipeanddaide.

Ohcanáigemearit ohcat lonohallamii North2North bokte:

Áigemearri dieđihit lonohallamii čavččalohkanbadjái ja giđalohkanbadjái boahtte oahppojahkái lea njukčamánu 1 beaivvi juohke jagi, ja de lea liige vejolašvuohta ohcat giđalohkanbadjái golggotmánu 10 beaivvi juohke jagi.