Sámeriekti JUR 101
Oahppoovttadat lea oassin Boazoealáhus bachelorprográmmas, muhto heive buohkaide geain lea beroštupmii háhkat vuođđogelbbolašvuođa sámi- ja eamiálbmotrivttiide. Dákkár miehtá sámi juridihkalaš gelbbolašvuohta addá erenomáš vuođu ovddidit sámi riekteáddejumiid ja -beroštumiid eanan- ja čáhcehálddašeamis.
- Oahpahusgiella: Oahpahusgiella lea sámegiella ja eaŋgalasgiella.
- Oahpu lágideapmi: Oahppodeaivvadeapmi Sámi allaskuvllas ja neahttaoahpahus
- Oahppokoda: JUR 101
- 10 oahppočuoggá.
- JUR 101 S\u00e1meriekti oahppoplana, dohk. 22.07.22
- lohkanmearri JUR 101 S\u00e1meriekti, 2022 \u010dav\u010d\u010da
- Diibmoplána ja deaivvadanplána: TimeEdit
Oahpu gullevašvuohta
Oahppoovttadat lea geatnegahtton fágaoahppu Boazoealáhus bachelorprográmmas, ja sáhttá nai dohkkehuvvot doarjjafágan eará bachelorprográmmain.
Oahpu sisdoallu
Studeanttat háhket dán oahpus vuođđogelbbolašvuođa sámi- ja eamiálbmotrivttiin. Vuođđogelbbolašvuohta fátmmasta máhtu juridihkalaš metodas, nationála ja riikkaidgaskasaš riektegálduin, ja máhtu sihke norggabeale-, suomabeale-, ja ruoŧabeale sámiid riektediliin. Dákkár miehtá sámi juridihkalaš gelbbolašvuohta addá erenomáš vuođu ovddidit sámi riekteáddejumiid ja -beroštumiid eanan- ja čáhcehálddašeamis.
Oahppan - ja oahppanvuogit
Okta deaivvadeapmi/ čoagganeapmi Sámi allaskuvllas.
Oahppanvuogit leat:
• logaldallamat ja digaštallamat
• seminárat
• bargobadji ja joavkobarggut
• oktagaslaš bargobihtát
• bagadallamat ja ságastallamat (dialoga)
Vurdojuvvo ahte studeanttat oassálastet aktiivvalaččat buotlágan oahpahusvugiide ja lohket lohkanmeari áŋgirit. Studeantabarggut galget dábálaččat ovdanbuktot plenumas, gos buohkat leat fárus árvvoštallame barggu.
Eksámen
Eksámen lea 7-beaivásaš ruovttueksámen mas studeanta čállá 7-10 siidosaš čállosa addojuvvon fáttá vuođul. Eksámena sáhttá čađahit skandinalavalaš gielaide dahje sámegillii.
Árvosánit addojuvvojit ECTS vuogádaga mielde, mas A lea buoremus árvosátni ja E lea vuolemus ceavzinárvosátni. F árvosátni mearkkaša ahte ii leat ceavzán. Muđui čujuhuvvo Sámi allaskuvlla loahpalaš árvvoštallan-ja eksámennjuolggadusaide.
Gáibádusat beassat eksámenii
Ovdal beassá eksámenii, studeanta galgá:
- Čađahan ja ožžon dohkkehuvvot oktagaslaš bargobihtáid, njálmmálaš ovdanbuktima dahje čálalaš bihtá.
- oassálasttán unnimusat 75% go lea deaivvadanvahkku.
Koordináhtor:
Line Kalak: linek@samas.no / +4778448527