Vásihan rasismma nuorra sápmelaččaid gaskkas boazodoalus.

Sámi allaskuvla lea dutkan, mo nuorra sápmelaččat, geain lea gullevašvuohta boazodollui, vásihit rasismma. Dutkamuš čohkkii dieđuid čalmmustahttinjoavkku ja ovttaskas sápmelaččaid jearahallamiin, geat ledje 13-30 jahkásaččat nuorra sápmelaččat.

Sámi allaskuvla bovde seminárii gos almmuhuvvo dutkanprošeavtta boađus.

• Váldogávdnosat rapporttas ovdanbuktojit.
• Rapportta ovdanbuktet prošeavtta dutkit.
• Ovttasbargoguoimmit, ee NBR nuorat besset ieža kommenteret raportta gávdnosiid.
• Mii bovdet miad preassa čuovvut seminára gaskal dii 13.00-14.00. Dán oasi lea plána rávdnjet.
• Lágideapmi álgá lunššain dii 12.00-13.00 Sámi allaskuvllas.

Bohtosat mielddisbuktet eanet máhtu rasismma birra ja konkrehta doaibmabidjoevttohusaid maiguin vuosttaldit rasismma/vašiságastallama. Dutkiidjoavkkus ledje mielde prošeaktajođiheaddji Ketil L. Hansen, professor Nils Oskal, professor Anne Lindblom, vuosttašamanueansa Ylva Jannok Nutti, ja professor Hadi Lile. Guorahallan čađahuvvo ovttasbarggus Norgga Boazosápmelaččaid Riikkaservviin (NBR) ja Sámi joatkkaskuvllain ja boazodoalloskuvllain. Referánsajoavkkus leat miellahtut earret eará NBR nuoraidlávdegottis, Norgga olmmošvuoigatvuođaid ásahusas (NIM), Sámi našuvnnalaš gelbbolašvuođabálvalusas - psyhkalaš dearvvašvuođasuddjen ja gárrendilledikšu (SÁNAG) ja RomsaDál.  Sámi allaskuvla álggahii dutkanbarggu skábmamánu 22. beaivve 2022. Guorahallan čađahuvvo Sámedikki ja Dásseárvo- ja vealahanáittardeaddji (LDO) ovddas.

Prográmma ja eanet dieđut bohtet allaskuvlla neahttasiidui www.samas.no

Gulahallanolmmoš: Ketil L. Hansen