BA - Jahkebealovttadat

Sámegiella ja sámi girjjálašvuohta 2 (BaSa 2)

  • Oahpahusgiella: Davvisámegiella
  • Oahpahusbáiki: Sámi allaskuvllas
  • 30 oahppočuoggá

Sámegiella 2 viiddida sámegillii guoski teoriijavuođu ja fágaperspektiivva, nu ahte čiekŋuda dieđuidis sihke gielas ja teavsttain. Oahpásnuvat sierralágan gielladutkan- ja girjjálašvuođateoriijaide. Oahpus leat čieža váldooasi: giellaoahppa, suopmanat, gielladikšun, čáppagirjjálašvuohta, teakstaoahppa, gielladieđut ja historjá- ja servodatdieđut. Oahpus leat dát oahppomodulat:

  1. SAM 110 Sámegiella njálmmálaš ja čálalaš giellan, 10 oahppočuoggá.
  2. SAM 104 Davvisámegiela cealkkaoahppa, 10 oahppočuoggá.
  3. SAM 105 Sámi girjjálaš muitalanárbi ja dan oktavuohta teáhterii ja filbmii.
Oza ohppui

Sisabeassangáibádusat

  • Dábálaš sisabeassangáibádusat alitoahpahussii. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje realagelbbolašvuohta.
  • Lassin galgá sámegiela máhttu vuosttaš- dahje nubbingiellan joatkkaskuvllas dahje vástideaddji (omd. sámegiela lohkanbadjeoahppu). Studeanttas lea maid vejolašvuohta duođaštit iežas sámegiela lohkangelbbolašvuođa sierra giellageahččaleami bokte.
  • Dasa lassin sisabeassaneaktun lea Sámegiella ja sámi girjjálašvuohta 1 ( BaSá 1) kursagáibádusat dahje vástideaddji oahppu.