SÁM 403 Sámegiela dutkama teorehtalaš ja geavatlaš perspektiivvat

SÁM 403 Sámegiela dutkama teorehtalaš ja geavatlaš perspektiivvat lea oassi doavttirgrádaoahpu oktasaš oasis. 

  • Ohcanáigemearri: 01.01.22. 


Oahpu sisdoallu

Oahppu addá doavttirgrádastudeanttaide viiddis dieđuid ja áddejumi sámegiela dálá dutkama varraseamos dutkamiid teoriijain, metodain ja ulbmiliin. Ulbmilin lea dievasmahttit kandidáhta dieđuid ja áddejumi válljejuvvon suorggis dahje fáttás sámegiela gielladutkamis.

Oahppu fállá kandidáhtaide teorehtalaš ja geavatlaš geahččanguovlluid sámegiela dutkama historjái, otná dillái ja boahtteáiggi hástalusaide ja vejolašvuođaide. Oahppoovttadaga sisdoallun leat-sámegiella ja giela iešvuođat dutkanfáddán:

  • sámegiela varraseamos dutkamiid teoriija-ja metodavuođđu ja bohtosat
  • sámegillii guoskevaš gielladutkama earenoamáš dárbbut ja hástalusat
  • sámegiela dutkama sajádat eará gielaid joavkkus
  • sámegiela dutkama viidát mearkkašupmi oppalaš gielladiehtagii ja sámi servodahkii
  • doavttirgrádastudeanttaidiežaset dutkansurggiid historjá ja sajádagat gielladiehtagis
     

Oktavuođadieđut:

Filesize: 626 KB

Sisabeassangáibádusat

Sámegiela ja sámi girjjálašvuođa doavttirgrádastudeanttat ja studeanttat, geain lea vástideaddji studerengelbbolašvuohta.