SÁM 245 Sámi báikenamat ja nammapolitihkka
- Oahpahusgiella: Davvisámegiella lea oahpahusgiella. Vurdojuvvot ahte studeanttat bastet lohkat eaŋgalasgielat lohkanmeari.
- Oahpu lágideapmi: Oahppu lágiduvvo neahttadoarjjaoahpahussan. Eanaš logaldallamat leat neahta bokte ja lohkanbaji áiggi leat guokte fysalaš deaivvadanvahku Sámi allaskuvllas, Guovdageainnus. Fysalaš deaivvademiide ii leat vejolaš searvat neahta bokte.
- 10 oahppočuoggá
Oahppoplána- Diibmoplána/deaivvadanplána: TimeEdit Samisk Høgskole - Sámi allaskuvla
- Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain, oahppohalddahus@samas.no
Oahpus guorahallojuvvo nammapolitihkka ja makkár vugiiguin nammapolitihka sáhttá dutkat. Davviriikkaid nammapolitihka historjá ja dálá dilli leat vuolggasadjin, ja oahpus guorahallojuvvojit nammapolitihkkii guoskevaš dieđut erenoamážit sámi báikenamaid geahččanguovllus.
Oahpu áigge studeanttat válljejit man nu guovllu sámi báikenamaid, maid guorahallet nammapolitihkalaš geahččanguovllus gurssas oahpahuvvon metodologalaš ja teorehtalaš vugiiguin.
Sisabeassangáibádusat
Studeanta lea čađahan dahje čađaheame Sámegiela ja sámi girjjálašvuođa bachelorprográmma vuođđooahpuid ja giellafágalaš fágaoahpuid (gč. prográmmaplána) dahje sus leat vástideaddji alit dási oahput.
Sámegiela ja sámi girjjálašvuođa bachelorprográmma oppalaš sisabeassangáibádusat leat čilgejuvvon oahppoprográmmaplánas.
FUOMÁŠ: Dehálaš áigemearit
Koordinator
