BA - Sierra kursa

Ođasjournalistihkka 1

  • Oahpahusgiella: Oahpahusgiella lea sihke davvisámegiella, dárogiella ja ruoŧagiella. Oahpahus eaŋgalsgillii ii dulkojuvvo. Eará gielaid oahpahus dulkojuvvo dárbbu mielde. Eksámen sáhttá čađahuvvot sihke sámegillii, dáro- dahje ruoŧagillii.
  • Oahppokoda: JOU 101
  • Oahpu lágideapmi: Neahttavuđot oahpahus ja okta deaivvadeapmi julev-ja/dahje lullisámis. Neahttavuđot prográmmat sáhttet geavahuvvot sihke logaldallamis, bagadallamis ja sisabuktimis.
  • 7,5 oahppočuoggá
  • Oahppu sáhttá dohkkehuvvot oassin iešguđetge bachelorprográmmain. Oahpus lea fágalaš látnjalasvuohta Sámi journalistihkabachelorprográmmafágain JOU 100-1 Ođasjournalistihkka 1 (15 oč).
  • PDF icon Oahppoplána 
  • Diibmoplána biddjo deike:TimeEdit

Dán oahpus leat sihke teorehtalaš ja praktihkalaš oasit. Studeanta galgá dán oahpus oahppat ođasjournalistihka. Studeanta buvttada ođđasiid áddehahtti vugiin, mas vuoruhuvvo sihke journalistihkka, preassaetihkka ja giellaoahppu. Studeanta oahppagoahtá gáldogeavaheamis, mo vállje gálduid ja mii lea gáldokritihkka. Studeanta oahpahišgoahtá árvvoštallat sihke iežas ja earáid bargguid preassaehtalaš njuolggadusaid ektui.

Dán fáttás lea digitála oahpahus ja deaivvadeapmi. Studeanttat šaddet johtit lagašbirrasis go buvttadit ođđasiid. Sii čuvvot čoahkkimiid, deaivvademiid ja ohcet ođđasiid ja gehččet mearrádusaid mat dahkkojit almmolaš ásahusain. Oahpus fállat bagadallama, árvvoštallama ja čuovvolemiid.

Sisabeassangáibádusat

  • Dábálaš sisabeassangáibádusat alitoahpahussii. Sisabeassanvuođđu sáhttá leat juogo oppalaš lohkangelbbolašvuohta (čađahanjoatkkaskuvlla/logahaga) dahje reálagelbbolašvuohta.
  • Davvi-, julev-dahje lullisámegielmáhttu.

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.