BA - Sierra kursa

JOU 117-4 Journalistihka giellagáhtten 4

  • Oahpahusgiella: Sámegiella
  • Oahpahusbáiki: Sámi allaskuvla
  • 5 oahppočuoggá
  • PDF icon Oahppoplána

Journalistihka giellagáhtten 4:žis deattuhuvvo sátneráhkadeapmi ja jorgaleapmi. Logaldallamiin ja hárjehusain gieđahallo suorggideapmi, goallosteapmi ja vierrogiel sániid heiveheapmi. Jorgaleamis studeanttat ohppet jorgaleami vuođđoprinsihpaid ja oahppá analyseret jorgaluvvon teavsttaid giela ja mo jorgaleapmi geavahuvvo ođasbarggus.

Sisabeassangáibádusat

Studeanttat fertejit leat čađahan Journalistihka giellagáhtten 3 dahje vástideaddji oahpu ovdal besset Journalistihka giellagáhtten 4:ii.

Jos leat sajit, de sáhttet olggobeale/ eksterna ohccit ohcat dán ohppui. Ohccit fertejit deavdit Sámi allaskuvlla vuođđooahpuid oppalaš sisaváldingáibádusaid.

Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta. Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Koordinator

livis's picture
Somby, Liv Inger
Phone: 
E-mail: 
Liv-inger.Somby@samiskhs.no