BA - Sierra kursa

JOU 110 Árktalaš servodaga hástalusat

  • Oahpahusgiella: Davvisámegiella, skandinávagielat ja eŋgelasgiella
  • Oahpahusbáiki: Sámi allaskuvllas
  • 10 oahppočuoggá
  • Oahppoplána
  • Deaivvadanplána

Studeanttat ohppet mat leat Árktalaš guovlluid hástalusat, vejolašvuođat, birgen ja árbevierut. Áigeguovdilis oahpahan fáttát leat dálkkádatrievdama váikkuhusat, luondduriggodagaid gilvvut, árbevirolaš eallima árvvut ja mo sihke báikkálaš ja globála politihkken doaibmá Árktalaš guovllus.  Studeanttat oahpásmuvvet álgoálbmogiid dillái. Dán oahpus leat olbmuid muitalusat guovddážis, mo sii ellet ja birgejit davviguovlluin.  Studeanttat ohppet álgoálbmogiid árbevirolaš muitaleami teknihkaid ja ohppet mo ráhkada filmma dahje stuorát reportáša.

Filesize: 42 KB
Filesize: 43 KB

Sisabeassangáibádusat

Jos leat sajit, de sáhttet olggobeale/ eksterna ohccit ohcat dán ohppui. Ohccit fertejit deavdit Sámi allaskuvlla vuođđooahpuid oppalaš sisaváldingáibádusaid.

Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta. Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Koordinator

livis's picture
Somby, Liv Inger
Phone: 
E-mail: 
Liv-inger.Somby@samiskhs.no