BA - Sierra kursa

Duodjuhibme ja sámegiella

Åhpadusgiella:   Julev sámegiella. Åhpadibme máhttá aj ietjá sámegielajda, skandináva jali ieŋŋilsgiellaj. Åhpadibme máhttá dárbo milta dålkkuduvvat.

Vijddudahka:                 15 oahppotjuorga

Åhpadusbájkke:            Åhpadus ásaduvvu Ájluovtan.

Oahppopládna

Tjåhkanimpládna tjavtja 2019

 

Sisadno

Oahppo álgaduvvá dajna ævtojn jut li nuoges åhttse.

Duodje ja sámegiella-oahppo sisadná duojev ja dan guoskavasj sámegiela njálmálasj ja tjálalasj hárjjánimev, maj studænnta ietjas duodje- ja giellamáhtov tjieggŋot.

Oahppo dættot adnoduojev, sæmmi båttå studænnta bæssá dåjmalattjat sámástit duodjuhahttijn. Duodjeåhpadusán tjieggŋot muhtem sierralágásj hábbmim- ja duodjuhimvuogijda ja gæhttjal ábnnasijt, teknihkajt ja vædtsagijt.

Duoje ja duodjuhime vuolggasadje le luonndo- ja kulturbirrasa lahkusin ja duodjedábe ma dajda gulluji. Hábbmimij lahkanip guoddelis designperspektijvas. Giellaåhpadibme dættot duodjeterminologijav, såjådimåhpav ja gárgadisåhpav mij galggá ávkken boahtet gå duodjuhimev njálmálattjat ja tjálalattjat tjielggi. Oahppuj gullu akta seminárra man fádda la árbedábálasj duodje ja dan terminologija.

 

 

Filesize: 454 KB
Filesize: 35 KB

Sisabeassangáibádusat

Sisibessamgájbbádusá li dábálasj sisibessamgájbbádusá alep åhpadussaj. Sisibessamvuodo le juogu dábálasj oahppomáhtudahka (joarkkaskåvlås jali gymnásas) jali realmáhtudahka1.
Duojen galggá åhttse duodje- jali dájdda ja hábbmimfága máhtudagáv duodastit, dat soajttá liehket duoje fáhkaduodastus, duodjeskåvlå duodjeåhpadus jali ietjá vásstediddje duodjeoahppo. Åhttse gudi li hárjjánam duodjára galggi dav duodastit vihtta iesjgeŋgalágásj duojij baktu.
Sámegielan galggá åhttsijn liehket máhtudahka vuostasj- jali nubbengiellan joarkkaskåvlås (Vuodna) jali sámegiella moderna- jali iednegiellan gymnásadáses (Svierik) jali vásstediddje oahppo. Åhttsijn le aj vejulasjvuohta ietjasa sámegiela máhtudagáv duodastit muhtem sierra sisibessamgæhttjalime baktu.
Åhttse gudi tjadádi Sáme allaskåvlå ålles Duoje bachelor oahppoprográmmav (180 ot), tjuovvu dan prográmma- ja åvddånimplánav.

Koordinator

gunvorg's picture
Guttorm, Gunvor
Phone: 
Mobile: 
E-mail: 
Gunvor.Guttorm@samiskhs.no