BA - Sierra kursa

DUO 101 Duddjoma ja hábmema bargovuogit

  • Oahpahusgiella: Dábálaččat davvisámegiella
  • Oahpahusbáiki: Sámi allaskuvllas
  • Oahppu lea geatnegahtton vuođđooahppu duodje- ja hábmenbacheloras. Dat sáhttá leat maiddái doarjjafágan dahje válljenfágan eará bachelorprográmmain dahje eará oahpuin.
  • 10 oahppočuoggá
  • PDF icon Oahppoplána
  • Diibmoplána ja deaivvadanplána: TimeEdit 

Sisdoallu:
Leago dus beroštupmi árbevirolaš ja ođđaáigásaš duodjái, ja liikot duddjot ja hábmet? De lea oahppu dutnje. Duddjoma ja hábmema bargovuogit oahpat duddjoma ja  hábmema vuođđo bargovugiid. Don beasat práktihkálaš bargguid bokte plánet, duddjot ja hábmet. Don beasat oahppat ávdnasiid geavahit vuođđun plánemii ja duddjomii, ja mo plánet guovtte- ja golmmadimenšunála bargovugiiguin. Lagaš luonddu- ja kultuvrralaš biras leat vuolggasadjin duddjoma ja hábmema lahkoneamis. Oahpahusas lea sámiid ja eará eamiálbmogiid duodjeárbevierut vuođđun ja vuolggasadjin.

ttát:

  • Portfolie
  • Mii lea duodji ja mii lea hápmi?
  • Árbevirolaš duoji bargovuogit, ávnnasteapmi
  • Ivdneoahppa
  • Herven árbevirolaččat
    • ornamentihkka
  • Áigeguovdilis hervenvuogit
  • Vuođđohámit
  • Plánen
  • Čađaheapmi
  • Ovdanbuktin ja reflekšuvdna
  • Čájáhusceggema vuođđobargovuogit
  • 1. bargobihttá: Árbevirolaš duodji
  • 2. bargobihttá Hábmet áigeguovdilis duoji

Sisabeassangáibádusat

Dábálaš sisabeassangáibádusat alitoahpahussii. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga/gymnása) dahje reálagelbbolašvuohta. Dasa lassin gáibiduvvo sámegielmáhttu.

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Ohcci gii ii leat Duodje- ja hábmenbachelora prográmmastudeanta galgá sáddet sisa 8-10 gova iežas dujiin  duodje- dahje dáidda- ja hábmenfágalaš gelbbolašvuođa duođaštussan. Jus ohccis lea fágabreava duojis, duodjeoahput duodjeskuvllas dahje eará vástideaddji duodjeoahppu, de sáhttá sáddet sisa fágabreava dadje oahppoduođaštusa, ja oažžut dan dohkkehuvvot duodje- dahje dáidda- ja hábmenfágalaš gelbbolašvuođa duođaštussan.  

Koordinator

Henrik Samuel Valkeapää's picture
Henrik Samuel Valkeapää
Phone: 
E-mail: 
samuelv@samas.no