Guovdageaidnu studeantabáikin

Guvodageaidnu lea báiki gos árbevirolaš kultuvra deaivvada ođđaáiggi servvodagain ja hábme ođđa sámi kultuvrra. Sámi allaskuvllas lea dehálaš rolla dan ektui go doaibmá arenan gos sámi kultuvrra rikkis árbevierru oažžu saji ovdánit ođđa buolvvaide.

Dáppe lea nanu ja ealli sámi kultuvra ja sámegiella gullo juohke sajis. Dáppe lea maid válljugas ja girjás kultureallin gos kultuvrrat deaivvadit beaivválaččat. Guovdageainnus suohkana birasta duottarluondu ja vejolašvuođat vuolgit meahcástallat ja vánddardit leat álki duohken.

Guovdageainnus lea maid doaibmilis valáštallanbiras masa sáhttá searvat ee. spábbačiekčan, giehtaspábban, čuoigan, joavkolášmmohallan jnv. Jus valaštallan ii geasut leat dáppe maiddái ee. lávlunjoavku, teáhter, kino ja máŋga iešguđetge searvvit- dego dánsunsearvi, risttalaš searvvit ja Bridge-searvi.

Guovdageainnus leat ol eará guovddáš sámi ásahusat, nu go Sámediggi, Beaivváš Sámi Teáhter, Sámi Árkiiva, Ávvir áviissa ja Ságat áviissa guovllukantuvrrat, NRK Sámi Radio guovllukantuvra, Sámi joatkka- ja boazodoaloskuvla, Gáldu- álgoálbmotvuoigatvuođaid gelbbolašvuođaguovddáš ja Riikkaidgaskasaš boazodoaloguovddáš.