Kapihttal 8. Lonohallanšiehtadusat ja studeantalonohallan

Ulbmil

Dokumeanta galgá mielddisbuktit ahte Sámi allaskuvlla studeantalonohallamis lea alla kvalitehta. Prosedyrat mat gusket studeantalonohallamii leat gávdnamis Sámi allaskuvlla ruovttusiiddus.

Doaibmaguovlu

Dát dokumeanta guoská Sámi allaskuvlla internašunaliseremii, dákko bokte studeantalonohallamii.

Lágat ja njuolggadusat

Studeantalonohallan ii leat regulerejuvvon sierra lágaid bokte, muhto gokčojuvvo obbalaččat:

Ovddasvástádusjuohku

Rektor ja direktevra ovddasvástideaba:

  • Lonohallanšiehtadusaid ja eará internašunála šiehtadusaid bajimus ovddasvástádus.

Oahppohálddahus:

  • Almmuha lonohallanvejolašvuođaid
  • Čohkke ohcamiid ja meannuda dáid, sihke sisaboahtti ja olggosmanni studeanttaid ohcamiid

Sámi allaskuvllas lea internašunaliseren ja studeantalonohallan muđui čuvvon internašunaliserenkonsuleantta virggi. Dát virgi ii gávdno šat.

Sámi allaskuvlla studeantalonohallan oppalaččat

Kvalitehtareforpma ektui galget Sámi allaskuvlla prográmmastudeanttat oažžut vejolašvuođa čađahit lonohallama olgoriikii dan botta go studerejit Sámi allaskuvllas. Seammás galgá Sámi allaskuvla láhčit dili nu ahte internašunála ovttasbargoásahusaid studeanttat sáhttet váldit oahpu Sámi allaskuvllas. Lonohallan mearkkaša dan ahte studeanta váldá oasi oahpus olgoriikkas, eanemusat guokte lohkanbaji. Studeanttat geat váldet olles oahpu olgoriikkas eai leat lonohallanstudeanttat, seammá mearkkaša studeanttaide geat váldet oasi oahpus olgoriikkas olggobealde ovttasbargošiehtadusaid. Studeanttat geat áigot čađahit lonohallama galget unnimusat 60 oahppočuoggá lohkan lonohallama ovdal ja leat registrerejuvvon prográmmastudeantan bachelor-, master- dahje doavttirgrádadásis.

Lonohallamat čađahuvvojit šiehtadusaid bokte mat leat dahkkon oahppoásahusaid gaskkas. Šiehtadusat sáhttet leat moatti dásis. Ásahusdási šiehtadusat gokčet buot oahpuid ja studeanttaid iešguđet dásiin. Fágaspesifihkka šiehtadusat gokčet lonohallamiid fága dahje dieđagoađi dásis. Šiehtadusat gokčet dávjjimusat lohkan- ja materiáladivvaga, veahki háhkat orrunsaji ja eará čálgofálaldagaid.

Sámi allaskuvla lea mielde moatti lonohallanprográmmas. Lonohallamat čađahuvvot dávjjimusat daid bokte.

Erasmus lea lonohallanprográmma maid SIU (Senter for internasjonalisering av utdanning) doaimmaha. Eanaš oahppoásahusat EU/EØS guovlluin leat mielde dán prográmmas. Prográmma siskkobealde leat šiehtadusat oahppoásahusaid gaskkas. Šiehtadusat lea čadnon fágaide ja daid doaimmahit goađit. Ruhtadeapmi sáhttá addot gaskal 3-12 mánnosaš lonohallamiidda ja lea sullii 300 EURO mánus. Sihke studeanttat ja bargit sáhttet ohcat doarjaga.

Stipendprogram for Nordområdene lea stipeandaprográmma maid SIU (Senter for internasjonalisering av utdanning) doaimmaha ja mii ruhtaduvvo Norgga olgoriikkadepartemeantta bokte. Prográmma lea Ruošša, Kanada ja USA studeanttaid váras. Oahppohálddahus ohca doarjaga dán vuođul maid goađit dárbbašit. Doarjja guđetge studentii čuovvu Loatnakássa máksomeriid ja muđui studeanttat ožžot mátkkoštandoarjaga. Studeanttat sáhttet oažžut doarjaga ovtta lonohallamii. Prográmma bistá golbma jagi ain hávális. Sihke studeanttat ja bargit sáhttet ohcat doarjaga.

Barentsplus lea doarjjaortnet maid Universitetet i Tromsø, Norges arktiske universitet, doaimmaha. Dát prográmma lea lonohallamiidda Barentsguovllus. Ruhtadeapmi sáhttá addot gaskal 7 vahkkosaš gitta 10 mánnosaš lonohallamiidda. Ruhtadeapmi addo lonohallama guhkkodaga ektui. Prográmma addá vejolašvuođa ruhtadeami studeanttaide mat eai leat čadnon ovttage oahppoásahussii.

North2north lea lonohallanprográmma ásahuvvon University of the Arctic bokte. Prográmma lea árktalašguovllu alitoahppoásahusaide. Lonohallamat sáhttet leat gaskal 3-10 mánu ja ruhtadeapmi lea gaskal 1500-5000 norgga ruvnno mánus. Sihke studeanttat ja bargit sáhttet ohcat doarjaga.

 


Kvalitehtasihkkarastin:

  1. Ulbmil ja huksehus
  2. Aktevrrat ja ovddasvástádusjuohku
  3. Kvalitehtadimenšuvnnaid mihtut
  4. Evalueremat
  5. Oahppokvalitehta analysa
  6. Bargo- ja ovddasvástádusjuohku kvalitehtasihkkarastimis ja oahpuid hálddašeamis
Oahppodoaimmaid kvalitehtagiehtagirji
Filesize: 1226 KB