Studeantastivra 2024/25:

Lemet Máhtte Eira, jođiheaddji
Kristoffer Máhtte Niillas Lalla Nygård
Ina Madelen Raanes
Jaana Talvikki Pekkala

Maid bargá Sámi allaskuvlla studeantastivra?

Studeantastivra bargá studeanttaid ovddas studeantapolitihkalaš ja fágalaš áššiiguin. Studeantastivra ovddida studeanttaid oainnuid ja beroštumiid Sámi allaskuvlla stivrras ja eará lávdegottiin. Studeantastivra lea gulaskuddanorgána buot áššiide mat gusket studeanttaide allaskuvllas. Studeantastivrra jođiheaddjis leat mánnosaš čoahkkimat rektoriin ja goahtejođiheddjiin.

Studeantastivra galgá maid searválaga SSO:in ja allaskuvllain nannet ja buoridit studeanttaid oahppo- ja sosiálalaš birrasa. Studeantastivra lágida iešguđetgelágan sosiálalaš doaluid ja asttoáiggefálaldagaid. 

Studeantaviessu

Studeantaviessu lea ođastuvvome, ja gárvana 2025:s. Studeantastivrras lea kantuvra studeantaviesus mii lea rukses viessu Diehtosiidda bálddas.

Sámi allaskuvlla studeantastivra e-poasta: studeantastivra@gmail.com