Sávvat buresboahtima oahpposuorgái

Odne lea Maren Benedicte Nystad Storslett (NSR)  nammaduvvon ođđa ráđđelahttun Sámediggái maŋŋil go Mikkel Eskil Mikkelsen luobai doaimmas. 

Sámi allaskuvla sávvá  ollu lihkku ođđa ráđđelahttui, ja mii háliidat buori  ovttasbarggu giella-, oahpahus- ja dutkansuorggis.

• Mii leat vásihan ahte Nystad Storslett lea čeahpes politihkkár, gii berošta ášše- ja fágasurggiiguin mainna min ásahusas bargat  Son lea viššalit doallan oktavuođa Sámi allaskuvllain gullat mo ovdánahttit oahpuid ja makkár oahpposuorggit leat dehálaččat sámi servodagas. Mii háliidat bovdet ođđa ráđđelahtu dearvvahančoahkkimii vai beassá oahpásmuvvat Sámi allaskuvlla doaimmaiguin, dadjá rektor Liv Inger Somby.