Ođđasat
- Oahppu ii deatte - ođđa podkasta
- Muitosánit ávvuoahpheaddji Edel Hætta Eriksen eretvádjoleami oktavuođas
- Studeanttaviesu almmolaš rahpan
- Sámi allaskuvlla almmolaš rahpandoalut
- Etnešguovttos: Konsearta kantiinnas 16.08.23
- Ođđa rektorin oahpásmuvvat
- Ollu oahput ja alla ohcciidlogut Sámi allaskuvllas
- Ođđa vejolašvuohta ohcat čavčča oahpuide
- Sámi allaskuvlla ođđa stivra
![](https://samas.no/sites/default/files/styles/hovedbilde/public/017-web_0.jpg?itok=BPzueTpw)
Sámi allaskuvla ohcá direktevrra
Háliidat go leat mielde ovdánahttime ovtta dain Sámi stuorámus ásahusain? Sámi allaskuvla lea dál almmuhan allaskuvlladirektevravirggi bistevaš virgin.
Sámi allaskuvla ohcá allaskuvlladirektevrra mii galgá jođihit ja ovdánahttit beaktilis, geabbilis ja ovddosmanni máhttoorganisašuvnna. Allaskuvla ohcá olbmo geas lea gelbbolašvuohta, dáhttu ja vuoibmi ovdánahttit ja nannet allaskuvlla sajádaga Sámis, nationála ja internationála dásis.
- Dát virgi lea okta dáin eanemus miellagiddevaš njunušvirggiin Sámis. Allaskuvla lea oalle stuora ásahus ja allaskuvlladirektevra lea bajimus hálddahuslaš jođiheaddji, muhto mis lea stuorebuš jođiheaddjijoavku geat dorjot sihke rektora ja direktevrra beaivválaš jođiheamis. Allaskuvllas leat juste dál jođus ollu ovdánahttinbarggut gos direktevrras lea guovddáš rolla, ođđa direktevra beassa fárus hábmemen Sámi allaskuvlla organisašuvnna ja ovttasbargguid boahtteáigái, muitala allaskuvlla rektor Laila Susanne Vars.
Allaskuvlladirektevra jođiha oktasaš hálddahusa ja doaimmaha iežas barggu daid rámmaid siskkobealde maid Sámi allaskuvlla stivra ja departemeantta mearridit. Rektor ges lea allaskuvlla bajimus fágalaš jođiheaddji ja jođiha maid allaskuvlla stivrra. Allaskuvladirektevra raportere njuolga stivrii ja lea stivrra čálli. Virgi gáibida buori jođihanattáldagaid, ja galgá sáhttit duođaštit viiddis hárjáneami hálddahuslaš bargguin ja jođiheamis.
Bistevaš virgi
Ovdal lea allaskuvlladirektevrra virgi leamaš guđa jagi jahkemearrevirgin. Dál lea Sámi allaskuvla stivra mearridan ahte allaskuvlladirektevrra virgi galgá šaddá bistevaš virgin.
- Sámis eai gávdno galle bistevaš jođiheaddjivirggi, dál šadda Sámi allaskuvlla direktevravirgi bistevaš virgin, ja mii sávvat ahte dat váikkuhivččii dasa ahte máŋggas ohcet virgái, dadjá rektor Laila Susanne Vars vel loahpas.
NNL doarju allaskuvlla virgáidanproseassas ja virgáideapmi dáhkko Sámi allaskuvlla stivrras.
Eanet dieđut
Eanet dieđuid virggi birra gávnnat Allaskuvlladirektevrra virgealmmuhusas. Ohcanáigemearri: 25.06.21.
Sáhtát maiddái váldit oktavuođa juogo dálá direktevrrain Johan Ailo Kalstadain, tlf. + 47 78 44 86 86/ +47 952 45 568/ e-poasta: johanamk@samas.no dahje rektoriin Laila Susanne Varsain tlf. +47 453 97 700/ e-poasta: lailas@samas.no.