Ođđasat
- Studeanttat eai dárbbat šat doalahit mehtera gaskka oahpahusas
- Vihtta hástalusa sámi demokratiijas
- QR - kodat njoammumiid vuohttin oktavuođas
- Maid sáhtát čoavdit ovdal go oahppu álgá?
- Guhkiduvvon áigemearri sáddet abstrávtta
- Oahppojagi 2021/22 álgin
- It leat vel ohcan oahpposaji čakčii? Mis leat rabas oahpposajit!
- Abstrákta dieđiheapmi Sámegiela ja sámi girjjálašvuođa symposiai
- Loahpahandoalut/ Graduation ceremony
![Neahttaoahpahus ja deaivvadeamit. Govven: Árvu/Stine Marje Vars Neahttaoahpahus ja deaivvadeamit. Govven: Árvu/Stine Marje Vars](https://samas.no/sites/default/files/styles/hovedbilde/public/field/image/arvu_sa_05-web.jpg?itok=mqmaaQ9I)
Neahttaoahpahus ja deaivvadeamit
Dihtet go ahte eanas oahput Sámi allaskuvllas lágiduvvojit neahttaoahpahussan ja deaivvademiid bokte Diehtosiiddas Guovdageainnus?
Neahttaoahpahus ja deaivvadeamit addet studentii vejolašvuođa čađahit oahpu ja maiddái orrut vaikko. Studeanta dattege ferte searvat fysalaččat go deaivvadeamit leat geatnegahtton.
Neahttaoahpahus lágiduvvo neahttaluohkkálanjas gos studeanttat gulahallet fágaoahpaheddjiiguin ja eará studeanttaiguin. Neahttaluohkkálanjas leat maid logaldallamat ja studeanttabarggut. Lea maiddái vejolaš čuovvut oahpahusa luohkkálanjas, jus baicca háliida fysalaččat čuovvut oahpahusa.
Deaivvadeamit lágiduvvojit dábalaččat Sámi allaskuvllas ja bistet dábálaččat sullii vahku hávális. Deaivvadeamit lágiduvvojit sullii oktii mánus. Deaivvademiide lea geatnegahttojuvvon searvat. Neahttasiiddus ja oahpu oahppoplánas sáhtát geahččat movt oahppu lágiduvvo.
Dárbbašat go ásodaga dahje mánáidgárdesaji?
Sis - Finnmárkku studeantaovttastusas (SSO) lea vejolaš láigohit ásodaga. SSO`as leat oktiibuot 42 iešguđet lágan ásodaga mat leat várrejuvvon Sámi allaskuvlla studeanttaide. Eanet dieđuid viessobálvalusa birra gávnnat dáppe: Bolig – Samisk – SSO (ssosamas.no)
Studeanttaide geain leat mánát geat dárbbašit mánáidgárdesaji, leat sihkkarastojuvvon mánáidgárdesajit olles studeren áigodahkii. Eanet dieđuid mánáidgárdesaji birra gávnnat dáppe: Barnhage – Samisk – SSO (ssosamas.no).