Ođđasat
- Lea ain vejolaš dieđihit Landscape Practices konferánsii, Guovdageainnus
- Deaivvadeamit 2022 čakča
- 6 buori ákka studeret Sámi allaskuvllas
- Ovttasbargošiehtadus vuolláičállon
- Oahppojagi 2021-2022 ávvudoalut
- It leat vel ohcan oahpposaji čakčii? Mis leat ain rabas oahpposajit!
- Oahpaheaddjit ovdanbuktet sámemáilmmiid Minecraft spealus
- Árbevirolaš práksisaid bokte mii áimmahuššat eamiálbmogiid eatnamiid ja čáziid
- Oza čavčča oahpuide!
![Neahttaoahpahus ja deaivvadeamit. Govven: Árvu/Stine Marje Vars Neahttaoahpahus ja deaivvadeamit. Govven: Árvu/Stine Marje Vars](https://samas.no/sites/default/files/styles/hovedbilde/public/field/image/arvu_sa_05-web.jpg?itok=mqmaaQ9I)
Neahttaoahpahus ja deaivvadeamit
Dihtet go ahte eanas oahput Sámi allaskuvllas lágiduvvojit neahttaoahpahussan ja deaivvademiid bokte Diehtosiiddas Guovdageainnus?
Neahttaoahpahus ja deaivvadeamit addet studentii vejolašvuođa čađahit oahpu ja maiddái orrut vaikko. Studeanta dattege ferte searvat fysalaččat go deaivvadeamit leat geatnegahtton.
Neahttaoahpahus lágiduvvo neahttaluohkkálanjas gos studeanttat gulahallet fágaoahpaheddjiiguin ja eará studeanttaiguin. Neahttaluohkkálanjas leat maid logaldallamat ja studeanttabarggut. Lea maiddái vejolaš čuovvut oahpahusa luohkkálanjas, jus baicca háliida fysalaččat čuovvut oahpahusa.
Deaivvadeamit lágiduvvojit dábalaččat Sámi allaskuvllas ja bistet dábálaččat sullii vahku hávális. Deaivvadeamit lágiduvvojit sullii oktii mánus. Deaivvademiide lea geatnegahttojuvvon searvat. Neahttasiiddus ja oahpu oahppoplánas sáhtát geahččat movt oahppu lágiduvvo.
Dárbbašat go ásodaga dahje mánáidgárdesaji?
Sis - Finnmárkku studeantaovttastusas (SSO) lea vejolaš láigohit ásodaga. SSO`as leat oktiibuot 42 iešguđet lágan ásodaga mat leat várrejuvvon Sámi allaskuvlla studeanttaide. Eanet dieđuid viessobálvalusa birra gávnnat dáppe: Bolig – Samisk – SSO (ssosamas.no)
Studeanttaide geain leat mánát geat dárbbašit mánáidgárdesaji, leat sihkkarastojuvvon mánáidgárdesajit olles studeren áigodahkii. Eanet dieđuid mánáidgárdesaji birra gávnnat dáppe: Barnhage – Samisk – SSO (ssosamas.no).