Ođđasat
- Sámi allaskuvla fas ealáskahttá juoigama
- Lihkku Elle-Hánsii, Hans Ragnar Mathisenii dáiddačájáhusain!
- Sámi allaskuvla lea sihkarastán dieđalaš ovdáneami
- Arvvas čuojahii Sámi allaskuvllas
- Vuosttaš mastergráda sámi girjjálašvuođas Sámi allaskuvlla iežas masterprográmma bokte
- Váldde sámi mánáidgárdeoahpaheaddje-oahpu seammás go barggat
- Bagadallanpedagogihkka 1 álggahuvvo giđđat 2015
- Lullisámegiela álgooahppu 1
- Historjjálaš govvačoakkáldat skeŋkejuvvo Sámi allaskuvlii
![](https://samas.no/sites/default/files/styles/hovedbilde/public/field/image/pexels-photo-733856.jpg?itok=a1E5AscS)
Logi diŋgga maid fertet diehtit ovdal njuiket studeantaeallimii
Sullii vahkku geahčen álgá álggahanvahkku, mánnodaga 26. Beavvi borgemánus. Mii addit logi rávvaga movt oaččut buori vuolggasaji studeantaeallimii.
- Mávsse studeanttadivvaga
Don it beasa registreret iežat studeantan ovdal go dán leat bargan. Muitte ahte dat rehket ii boađe boastta dahje maila bokte dutnje, muhto ieš viežžat dan studeantawebas.
- Registrere iežat lohkanbadjái
Don it leat studeanta ovdal go leat registreren iežat studeantan studeantaweba bokte. Dat lea dehálaš ahte registreret lohkanbadjái. Jus dan it daga, de it beasa váldit eksámena ja it ge oaččo doarjaga Loatnakássas.
- Oza studeantaloana
Jus leat váldán vuostá oahpposaji, dalle beasat ohcat loana ja stipeanda Loatnakássas.
- Ráhkat IT-konto
Buot studeanttain ferte leat IT-konto, dan ráhkadat ieš dáppe. Fuom! Juste dál ii doaibmá IT-konto teknihkalaš sivaid geažil, ja allaskuvllas leat juste ohcame čovddosa dasa.
- Ráhkat studeanta duođaštusa
Go leat máksán studeantadivvaga, de vieččat appa “studentbevis” mii duođašta ahte leat studeanta ja ahte leat máksán studeantadivvaga. Studeanttaide lea omd. hálbbit borramuš kantiinnas.
- Searvva Digigiisa kursii
Allaskuvlla oahpahusreaiddu namma lea Digigiisa. Dat geavahuvvo ollu eanaš oahpahusain. It leat geavahan dan ovdal? Čuovo oanehis kurssa mii lágiduvvo 29.08, dii 09:00, allaskuvllas. Dat boahtá ávkin maŋŋel go lohkan áigi álgá.
- Ráhkat čoavddakoartta Diehtosiidii
Diehtosiida lea rabas buot beivviid dii.23:30 rádjai, muhto uvssat lássahuvvut automáhtalaččat maŋŋel dii.15:30. Čoavddakoartta ráhkadat ovdakantuvrras.
- Searvva álggahanvahkkui ja “orienteren mátkái”
Ii go dus leat maid hállu oahpásnuvvat eará studeanttaide ja geahččat maid min gilli fállá studeanttaide? Álggahanvahkkus lágiduvvot iešguđetlágán dáhpáhusat, earret eará “orienteren mátki” gaskavahkku 28.08.19 dii.11:00. Fuom! Buorit vuoittut ja oaivvilduvvon buot studeanttaide!
- Searvva oahppoteknihkka kursii
Movt birget studeantan buoremusat? Oahpa movt šaddat eambbo doaimmalaš go galggat studeret ja searvva oahppoteknihkka kursii bearjadaga 30.09.19 dii.09:00. Jus háliidat olahit buori bohtosiid olles studerenáigodagas, dalle gánnáha searvat dán kursii.
- Studeantafeasta
Sámi allaskuvla lea 30-jagi dan jagi! J Mii ávvudit dan konsearttain 31.08. dii. 22:00. Studeanttaide hálbbit bileahtat.