Studeanttaide

(Ođastuvvon njukčámánu 25. beaivvi 2021)

Norgga ráđđehus mearridii disdaga 23.3.2021 ahte universitehtat ja allaskuvllat eai beasa fysalaš logaldallamiid doallat. Mearrádusa ulbmil lea hehttet covid-19 dávdda leavvamis ja vuoi dávda ii leava guovlluide gos lea unnán njoammun.

Ráđđehusa ođđa rávvagat

  • Okta mehter lea dál guokte mehter. Doalat 2 mehtera gaskka earáide doppe gos lea vejolaš. It dárbbat doallat gaskka daiguin geaiguin ásat ovttas dahje 1-2 fásta olbmo geaiguin doalat oktavuođa jus orut okto.
  • Ráva ahte geavahat njálbmesuoji dakkár báikkiin gos ii leat vejolaš doallat guokte mehtera gaskka earáide. Dat lea earenomáš dehálaš doppe gos lea olu njoammun dahje suohkaniin geat vurdet olu beassášgussiid.
  • Ráva ahte eai leat eanet go guokte guossi geat fitnet guossis.
  • Ráva ahte unnidat sosiála servvoštallama eanemus lági mielde.
  • Ráva ahte unnimus lági mielde mátkkoštit.
  • Ráva ahte olbmot eai mana ránnjá suohkana gávpeguovddážiidda.

Diehtosiida: Diehtosiida lea rabas studeanttaide ja studeanttat besset geavahit ain lohkansajiid ja girjerádjosa Studeanttat fertejit atnit čoavddakoartta go galget beassat Diehtosiidii. Hárjehallanlatnja lea gitta 31.03 rájes 06.04 rádjái. 

Čoavddakoarta: Ođđa studeanttaide ráhkaduvvo dábálaččat čoavddakoarta ovdakantuvrras. Koronadilálašvuođa geažil ávžžuhit du diŋgot čoavddakoarta oahppohálddahusas (oahppohalddahus@samas.no). Sádde mielddusin iežat nama ja gova.

Riskavuloš studeanttat: Studeanttaide main lea alit riska duođalaččat buohccát jus covid-19 dávda njoammu, berre árvvoštallat heivehit skuvlabargguid/oahpu. Ferte leat doavtterduođaštus dakkár heiveheami oažžut.

Deháleamos njoammuneastandoaimmat máid buohkat galget čuovvut, leat:

1. Buohcan ja erren

  • Jus leat buohcci dahje illáveaje, de galggat orrut ruovttus.
  • Jus leat erremis, de it galgga boahtit Diehtosiidii.

2. Ráinnasvuohta

  • Basa gieđaid dávjá ja dárkilit loika sáibočázis. Jus ii leat čáhci, geavat giehtasprihta.
  • Gastit ja gossat galgá njunnebáhpira sisa máid bálkestat, dahje jus ii leat bábir, de giehtagávvii.
  • Basa gieđaid ovdal go guoskkahat ámadaju ja ovdal go boradat.

3. Doalat gaskka eará olbmuide

  • Doalat unnimusat 2 mehtera gaskka nuppi olbmui juohke sajis.

4. Mátkkošteapmi

Ávžžuhit buot bargiid ja studeanttaid garvit dárbbašmeahttun mátkkiid.

Dus lea alddát ovddasvástádus dárkilit lohkat gustovaš njuolggadusaid mat gusket rádjarasttildeapmái.  Ferte earenomážit iskkat ahte lea go dus lohpi rasttildit rájá, makkár duođaštusat ja iskosat gáibiduvvojit ja makkár errengáibádusat gustojit. Dárkileabbo dieđuid gávdnojit dáppe: Innreisekarantene ved ankomst til Norge - FHI

Errennjuolggadusat

Dus lea alddát ovddasvástádus čuovvut mielde makkár njuolggadusat gustojit áiggis áigái. Mii rávvet geahččat Norgga Álbmotdearvvašvuođainstituhtta neahttasiiddu dieđuid errema ja isolašuvnna birra.

Jus dus lea feber dahje eará korona buozanvuođamearkkat, de galggat isoleret iežat nu jođánit go vejolaš, ja váldit oktavuođa doaktáriin tlf 116 117.