Ođđasat
- NOKUT árvvoštallan 9.-10.10.2014
- Sámi ofelaččaid 10 avvudeapmi sáddejuvvo neahtas.
- Girji almmuhuvvon
- – Fertego leat Sápmelaš?
- Sámepolitihkka Norggas ođđa áiggis.
- Bohccobiergu ja niesteboazuskinke – mot mánná birge goallossátnemeahcis?
- Kulturmeassut Guovdageainnus
- Taking place konfereansa Sámi allaskuvllas
- NASA ja Sámi allaskuvla ovttasbarge
![Rektor duhtavaš studeantaloguin Bilde av rektor og studenter i kantina.](https://samas.no/sites/default/files/styles/hovedbilde/public/field/image/img_20181003_132446.jpg?itok=63bKQ1oC)
Fas ođđa studeantalohkoolahus Sámi allaskuvlii
270 studeantta álge Sámi allaskuvlii dán čavčča. Dat lea justte seammá lohku go diibmá. Eai leat goassege ovdal leamašan nu olu studeanttat Sámi allaskuvllas. Studeanttat mielas bohtet Sámi allaskuvlii.
Sámi allaskuvlla rektor Gunvor Guttorm lea duhtavaš studeantaloguin.
– Mii lean hirbmat movttegat. Diibmá lei earenoamáš buorre jahki, eatge bálljo duosttan jáhkkit ahte fas galggai ná bures mannat. Mis lei mihttu olahit badjel 200 studeanta, dadjá Guttorm.
Lassin raporterejuvvon studeantalohkui bohtet vel studeanttat geat čađahit sierraheivehuvvon oahpu ruoŧabeale man Ruoŧa Skolverket lea ruhtadan. Nu lea duohta studeantalohku lahka 300.
Jahkásaččat gerget sullii 200 oahppi norgga joatkkaskuvllain geain lea sámegiella juogo vuosttášgiellan dehe nubbingiellan. – Dát buktá veháš perspektiivva man stuora oassi boahtá Sámi allaskuvlii, lohka Gunvor Guttorm.
![Kare Elle logaldallá. Bilde av Kare Elle A. Eira](https://samas.no/sites/default/files/styles/hovedbilde/public/kare_elle_20181003_mattias_sikku_valio_govven.jpg?itok=HuFcxCov)
Kare Elle A. Eira. Mattias Sikku Valio govvii.
– Dovddan hui lihkolažžan go bessen dán ohppui, dadjá studeanta Kare Elle A. Eira.
Kare Elle A. Eira lohká geabbilis praktihkalaš pedagogalaš oahpus (GPPO), seammás go bargá pedagogalaš jođiheaddjin Guovdageainnu suohkana mánáidgárddis. Sámi allaskuvllas leat olu neahttavuđot, gáiddusoahpahus dehe nu gohčoduvvon geabbilis oahpahusat mii lea stuora oassi manne olu studeanttat Sámis válljejit boahtit Sámi allaskuvlii. Kare Elle lea okta sis.
– Oahppu orui mu mielas nama mielde jo hui gelddolaš, dadjá Kare Elle A. Eira. – Oahpaheaddji guovttos leaba hui čehpet huksen ja heivehan oahpu stuđeanttaide.
![Elle Káre ja Máhtte Bilde av student og høgskolelektor.](https://samas.no/sites/default/files/styles/hovedbilde/public/kare_elle_a_eira_ja_mathis_bongo_gppo_mattias_sikku_valio_govven.jpg?itok=H_eq7X-Y)
Studeanta Kare Elle A. Eira ja allaskuvlalektor Mathis P. Bongo. Máhtte Sikku Valio govvii.
Birrasii 30 studeantta leat álgán ohppui. Kare Elle oaidná ahte dáinna oahpuin oažžu eambbo vejolašvuođat eará bargguide ohcat.
Studeanttat ieža čađahit máhttoháhkama earret eará digitálalogaldallamiid bokte ruovttus, go sidjiide heive. Deaivvademiin de barget bargobihtáiguin, joavkobargguiguin ja ovdanbuktiimiiguin mat leat čadnon digitálalogaldallamiidda. Dát mearkkaša ahte GPPO:as jorgaluvvo máhttoháhkan nuppe ládje go dat mii lea dábálaš árbevirolaš skuvllas, gos oahpaheamis leat logaldallamat luohkkálanjas ja studeantabarggut fas leat ruovttus.
![Geabbilis praktihkalaš pedagogalaš oahppu (GPPO) Bilde av GPPO studenter i klasserom.](https://samas.no/sites/default/files/styles/hovedbilde/public/field/image/gppo_mattias_sikku_valio_govven_093628.jpg?itok=ZaULGbNa)
Geabbilis praktihkalaš pedagogalaš oahppu (GPPO). Máhtte Sikku Valio govvii.