Ođđasat
- Logi diŋgga maid fertet diehtit ovdal njuiket studeantaeallimii
- Go leat álgime ohppui
- Báikkálaš sisaváldima ohcanáigemearri guhkiduvvon
- Gudnebálkkašumit Sverre Fjellheimii ja Inga Mortenssonii
- Fas vejolaš ohcat oahpuide
- Historjjálaš doalut Sámi allaskuvllas
- Stivraláhttut válljejuvvon ja nammaduvvon
- Anja Somby virgáduvvon sámi buohccidivššároahpu prošeaktajođiheaddjin
- Sámi allaskuvlla studeanta lea juo ožžon bargofálaldagaid
![](https://samas.no/sites/default/files/styles/hovedbilde/public/field/image/dsc_0177govven_kaisa_rautio_helander.jpg?itok=UpLEMj8b)
Dutkanbeivviid nammaárvalanvuorbádeami vuoiti vuorbáduvvon
Dutkanbeivviid nammaárvalanvuorbádeami vuoiti lea Mai Britt Utsi.
Dán jagáš Dutkanbeivviid fáddán lea biebmu. Sámi allaskuvla lágidii Dutkanbeivviid áigge báikenammačájáhusa, masa ledje čohkkejuvvon muhtin báikenamat, mat muitalit biepmu dahje biebmoháhkama birra nugo Rávdojávri ja Mielkevággi.
Dutkanbeivviid áigge hástaleimmet buot gussiid muitalit vel eanet namaid. Árrangátti kantiidna Diehtosiiddas attii vuoitun biebmogoartta 10 borramii.
Dál lea gesson vuoiti: son lea Mai Britt Utsi ja son lei čállán nama Goddečorru Várjjagis.
Sámi allaskuvla giitá buohkaid geat serve Dutkanbeivviid nammaárvalanvuorbádeapmái. Sámi allaskuvla giitá maiddái Árrangátti kantiinna, mii skeŋkii vuoitun biebmogoartta.
Vuorbbi geassime Árrangáddi kantiinna bargit Risten Gáren Hætta Skum, Risten Ánne Hætta, Jan Magne Hestvik ja Sámi allaskuvlla rektor Gunvor Guttorm. (govven: Kaisa Rautio Helander)
Dutkanbeivviid nammaárvalangilvvu vuoiti almmuhuvvo: son lea Mai Britt Utsi gii vuittii biebmogoartta Árrangátti kantiidnii. (govven: Kaisa Rautio Helander)