OVDANBUKTIN DIEĐIHEAPMI JA BÁLDDALAS SEŠUVNNAT

 

OVDANBUKTIN DIEĐIHEAPMI

ÁIGEMEARIT

Konferánssa lávdegoddi giitá buot abstrávttaid ovddas, ollu giitu! Konferánssa lávdegoddi árvvoštallá buot abstrávttaid mat leat boahtán. 

Koronadoaibmaibijuid dihte ja lágideami maŋideami dihte lea áigemearri guhkiduvvon. Konferánssa lávdegoddi háliida ahte eanet oahpaheaddjit mánáidgárddiin ja vuođđoskuvllain ja studeanttat ja oahpaheaddjit alitoahpahusain dollet ovdánbuktimiid.

FUOM! GUHKIDUVVON ÁIGEMEARRI BUKTIT/SÁDDET ABSTRÁVTTA. Ođđa áigemearri boahtá. 

fuom! OĐĐA ÁIGEMEARRI DIEĐIHIT KONFERÁNSII GUHKIDUVVO. SII GEAT LEAT DIEĐIHAN KONFERÁNSII, SÁHTTET DOALAHIT IEŽAS OASSÁLASTIMA. JUS ÁIGGUT SIHKKUT DIEĐIHEAMI, VÁLDDE OKTAVUOĐA SÁMI ALLASKUVLLAIN.

 

Ovdanbuktima vejolašvuođat

  • OĐĐA! Oahpahusa metoda gáfesagastallan – jus barggat oahpaheaddjin vuođđoskuvllas boađe juogadit du oahpahusvásáhusaid skuvllas.  Don ovdanbuvttát oahpahusa ovdamearkka mii lea liikostuvvan bures 3-5 eará oahpaheddjiide smávva gáfebeavddis. Dus lea sullii 10 min. ovdanbuktimii ja de 5 min. sagastallanáiggi gáfebeavddis. Juohke lanjas leat 4 gáfebeavddi ja don ovdanbuvttát 4 joavkkuide. Sádde sisa dieđuid, omd. du nama, dieđuid skuvlla- ja du oahpahusa birra, ja oanehis čilgehusa makkár oahpahusa ovdamearkkaid don hálidat ovdanbuktit. 
  • OĐĐA! Mánáidgárddi doaimmaid gáfesagastallan – jus barggat oahpaheaddjin dahje mánáidgárdebargin mánáidgárddis boađe juogadit du mánáidgárddevásáhusaid.  Don ovdanbuvttát ovdamearkka mii lea liikostuvvan bures 3-5 eará oahpaheddjiide smávva gáfebeavddis. Dus lea sullii 10 min. ovdanbuktimii ja de 5 min. ságastallanáigi gáfebeavddis. Juohke lanjas leat 4 gáfebeavddi ja don ovdanbuvttát 4 joavkkuide. Sádde sisa dieđuid, omd. du nama ja dieđuid mánáidgárddi birra ja oanehis čilgehusa maid don hálidat ovdanbuktit.
  • Poster- ja filbmačájáhus - jus barggat oahpaheaddjin mánáidgárddis, vuođđoskuvllas dahje oahpaheaddjeoahpus boađe juogadit du vásáhusaid.  Sádde sisa dieđuid, omd. du nama, mánáidgárddi, skuvlla dahje alitoahpahusa dieđuid, ja oanehis čilgehusa maid don hálidat ovdanbuktit. Ovdanbuktimis galggat čájehit postera dahje filmma ja doallat 5 min. ovdánbuktima ja de dus lea 5 min. sagastallanáigi.
  • Duddjon & lávostallanbottoš (árbevirolaš máhtu lonohallan lávus) - jus barggat praktihkalaš, kreatiivvalaš ja estehtalaš bargguid mánáiguin, nuoraiguin dahje studeanttaiguin, boađe juogadit du vásáhusaid lávus. Sádde sisa dieđuid, omd. du nama ja oanehis čilgehusa maid don hálidat ovdanbuktit ja doallat 5 min. ovdánbuktima ja de dus lea 5 min. ságastallanáigi.
  • Bargobadji - jus barggat praktihkalaš, kreatiivvalaš ja estehtalaš bargguid mánáiguin, nuoraiguin dahje studeanttaiguin, boađe juogadit du vásáhusaid. Konferánssa lávdegoddi áinnas sávvá bargobajiid mas oasálasttit sáhttet searvat praktihkalaš, kreatiivvalaš ja estehtalaš bargguide, ja ságastallamii. Ovdanbuktimii sáhttá geavahit digitála veahkkeneavvuid, oahppomateriálaid, estehtalaš dahje árbevirolaš neavvuid dahje materiálaid. Sádde sisa dieđuid, omd. du nama ja oanehis čilgehusa maid don hálidat ovdanbuktit ja maid oasálasttit sáhttet oahpahit/galgat dahkat, ja maid dárbbašat ovdánbuktimii ja man guhkes áiggi dárbbašat geavahit.
  • OĐĐA! Oanehis alitoahpahusa ovdanbuktin– Jus barggat alitoahpahusain. Boađe juogadit du vásáhusaid. Konfereanssas doalat 20 min. ovdanbuktima, mas 5 min. sáhtát geavahit jearaldagaide ja ságastallamii. Sádde sisa oanehis čilgehusa/abstrávtta mas muitalat maid hálidat ovdanbuktit. Njeallje ovdánbuktima ovdanbuktojuvvojit ovddas juohke sešuvnnas. Konferánssa lávdegoddi áinnas sávvá alitoahpahusa ovdanbuktimiid.
  • Dieđalaš oanehissáhkavuorru dahje báhpira ovdanbuktin– sádde sisa abstrávtta ja konfereanssas doalat 20 min. ovdanbuktima, mas 5 min. sáhtát geavahit jearaldagaide ja ságastallamii. Abstrávtta dieđalaš oanehissáhkavuoruide galgá sisttisdoallat dutkangažaldaga/ulbmila, teorehtalaš vuođu, dutkanmetoda, ja (vurdojuvvon) bohtosa. Bábir lea ovdanbuktojuvvon báldalágasešuvnnas.  Njeallje báhpira ovdanbuktojuvvojit ovddas juohke báldalágasešuvnnas. Konferánssa lávdegoddi áinnas sávvá dutkan- ja ovdánahttinprošeavttaid ovdanbuktimiid. Bábir sáhttá ovdanbuktit gárvves dutkanbohtosa, dutkama mii lea jođus dahje dutkanjurdagiid.

Picture

Fuomáš! Sámi mánáidgárde- ja skuvlaoahpaheaddjit, geat dollet ovdanbuktima eai dárbbaš máksit konferánsadivvaga.

Picture

Sádde abstrávtta dieđiheami dán e-boasta čujuhussii:

saok2020@samiskhs.no

 

Picture

BALDDALAS SEŠUVNNAT

Prográmma bálddalas sešuvnnaide almmuhuvvo go leat ožžon abstrávtta dieđihemiid ja leat čielggadan gii daid doallá.