Sámi oahpahuskonferánsa 2021

Konferánsa lágiduvvo golggotmánu 5.b.-7.b. Diehtosiiddas, Guovdageainnus. Jus ii leat vejolaš čoahkkanit fysalaččat koronavirusa geažil, de lágiduvvo konferánsa neahta bokte.

Picture

Streamliŋkkat: 

Online konferánsa: https://samas.zoom.us/j/63854550037

Dulkkon konferánsii: https://samas.zoom.us/j/63854550037

Picture

Mii bovdet mánáidgárdebargiid, -oahpaheddjiid ja -eaiggádiid, vuođđo- ja joatkkaskuvllaid ja alitoahpahusa oahpaheddjiid ja jođiheddjiid, dutkkiid ja studeanttaid juogadit iežaset dutkama.

Konferánssa lávdegoddi áinnas sávvá mánáidgárddiid, vuođđoskuvlla- ja alitoahpahusa ovdanbuktimiid. Konferánssa lávdegoddi árvvoštallá buot ja gávdná daidda heivvolaš saji konferánssa prográmmas.

Fuomáš! Sámi mánáidgárde- ja skuvlaoahpaheaddjit geat dollet ovdanbuktima, eai dárbbaš máksit konferánsadivvaga.

Picture

Konferánsagielat

Konferánsagielat leat sámegiella, eŋgelasgiella ja davviriikalašgielat. Mii sávvat ahte sámegielat logaldallit geavahit sámegiela. Logaldallamat váldokonferánsalanjas dulkojuvvojit.  

Conference homepage in english: Sámi Education Conference 2021

Zoom liŋka:

 

Picture

DIEĐUT JA BOVDEHUSREIVVET

Sámegillii: Dieđut ja bovdehusPDF icon Sámi oahpahuskonferánsii 2021

På norsk: Informasjon og invitasjon tilPDF icon Samisk utdanningskonferanse 2021

På svenska: Information och inbjudan till den PDF icon Samiska utbildningskonferensen 2021

In English: Information and Invitation to thePDF icon Sámi Education Conference 2021

 

Sámi allaskuvla ja Norgga Sámediggi lágidit gaskariikkalaš oahpahuskonferánssa Sámedikki prošeavtta Sámi mánát ođđa searvelanjas (SáMOS-prošeavtta) olis. Konferánssa ulbmilin lea beassat lonohallat eamiálbmogiid oahpahanvásáhusaid ja buktit oidnosii sámi mánáidgárddiid, skuvllaid, ja alitoahpahusa, ja maiddái internationála eamiálbmotoahpahusa, vásáhusaid ja muitalusaid.

Go iešguđet eamiálbmogat lonohallet vásáhusaideaseset, de lea dat doarjjan ja vuođđun eamiálbmogiid pedagogalaš filosofiijai maid pedagogat, oahpaheaddjit ja dutkkit sáhttet ávkkástallat oahpahusas. 

Picture

Konferánssa fáttát:

  • Mánáid ja nuoraid árgabeaivi oahpahusas
  • Luondu oahppama vuolggasadjin
  • Eamiálbmogiid máhtuid ja gielaid nanosmahttin ja ealáskahttin
  • Eamiálbmogiid bajásgeassima ja oahpahusa dekoloniseren

Picture

oktavuođa dieđut:

Jus dárbbašat eanet dieđuid konferánssa birra de gávnnat konferánsajoavkku oktavuođadieđuid dán siiddus. 


Ylva Jannok Nutti

Vuosttašamanueansa
Sámi Allaskuvla
ylvajn@samas.no
+4778448538 

Picture

dieđiheapmi

Dán liŋkkas sáhtát registreret: 

https://www.deltager.no/samok2021

 

Hattit:

1500,- NOK 5.6.2021 rádjai

2025,- NOK 6.6.2021 rájes

920,- NOK studeanttaide,konferánssa mállasiid haga 
 

Oassálastindivat gokčá gáfiid, lunššaid ja konferánssa mállasiid.

Fuomáš ahte studeantta hattis ii čuovo mielde konferánssa mállasat.