Sámi allaskuvla stivra Diehtosiidda Allavárddus.
juni 24. beaivi 2015

Olggobealde áirasat válljejuvvon allaskuvlastivrii

Máhttodepartemeantta ja Sámediggi leat nammadan 4 ođđa stivralahtu oktan sadjásaččaiguin Sámi allaskuvlla stivrii.


Áirasat leat válljejuvvon njealji jahkái borgemánu vuosttaš beaivvi rájis dán jagi.

– Allaskuvla lea hui duhtavaš ahte olggobeale stivralahtut leat buohkat hui gelbbolaš ja bures hárjánan olbmot. Sis buohkain leat buorit vásáhusat sihke stivrabarggus ja universitehta- ja allaskuvlasektoris, - lohká rektor Jelena Porsanger.
- Sámi allaskuvla lea áidna alitoahpu ásahus Norggas, masa olggobeale stivralahtut nammaduvvojit sihke Máhtodepartemeantta ja Norgga Sámedikki bokte. Dát čuožžu Universitehta- ja allaskuvlalágas. Mii leat hui duhtavaččat ovttasbargguin sihke departemeanttain ja Sámedikkiin. Olggobeale lahtut leat válljejuvvon dan evttohaslisttus, man Sámi allaskuvla ieš hábmii ja ovddidii.

 

Stivrras leat oktiibuot 11 áirasa; njealje olggobeale áirasa, vihtta siskkáldas áirasa ja vel rektor ja prorektor.

  • Rektor Gunvor Guttorm guhte šaddá ođđa stivrajođiheaddji 
  • Prorektor Line Kalak
  • 4 olggobeale áirasa
    Máhttodepartemeanttas:
    - ​Petter Drefvelin, Oslo, sutnje várreláhttun Beaska Niillas, Deatnu
    - Ellen Inga O. Hætta, Guovdageaidnu, su várreláhttun Inger Marit Eira-Åhrén, Lyjmede.
    Sámedikkis:
    - Gunn-Britt Retter, Unjárga, su várreláhttun Outi Susanna Länsman, Anár, Suopma
    - Roger Skarvik, Alta ja sutnje lea várreláhttun Ánde Somby, Romsa
  • 3 siskkáldas áirasat
  • - Nils Ole Skum, válljejuvvon fástaláhttun stivrii, su várreláhttun Lasse Wigelius
  • - John Henrik Eira, válljejuvvon fástaláhttun stivrii, su várreláhttun Inga Lill Sigga Mikkelsen
  • - Torkel Rasmussen,  válljejuvvon fástaláhttun stivrii, ja sutnje lea várreláhttun Nils Oskal
  • 2 studeanttaáirasat mat válljejuvvojit ođđasit juohke jagi;
    - Mikkel Rasmus Logje (2015 čavčča ráddjái)
    - Berit Marie E. Eira (2015 čavčča ráddjái)
    - Sergey Gavrilov ja Karen Marit V. Siri leaba 1. ja 2. várreláhtut (2015 čavčča ráddjái)
     

– Borgemánu 1.beaivvi rájes stivrabarggu stafeahttastággu sirdojuvvo ođđa stivrii.
Mii sávvat ođđa stivrii lihku Sámi allaskuvlla ovddideamis dieđalaš davviriikalaš ja buot-Sámi alitoahpu ásahussan! – lohka rektor Jelena Porsanger.

 

 

  1. Loga Ráđđehusa ođasášši.

  2. Dálá stivra Sámi allaskuvllas.