BA - Enkeltemne

Oahpaheaddji digitála gelbbolašvuohta ja gáiddusoahpahusa čađaheapmi

  • Oahpahusgiella: Oahpahusgiellan lea davvisámegiella. Soames logaldallamat sáhttet lágiduvvot eará gielain. Lohkanmearri lea sáme-, dáro-, ruoŧa- ja eŋgelasgillii. Čálalaš barggut/eksámenbarggut čállojuvvojit sámegillii dahje skandinávagillii dahje šiehtadusa vuođul eará gillii.
  • Oahppokoda: ODG 185
  • Oahpu lágideapmi: Deaivvadeamit ja neahttavuđot oahpahus
  • 15  (5+5+5) oahppočuoggá
  • Fállojuvvo gelbbolašvuođalokten kursan oahpaheddjiide
  • Oahppoplána
  • Diibmoplána biddjo deike:TimeEdit

Oahppu lea heivehuvvon oahpaheddjiide, geat oahpahit gáiddusin neahttavuđot- ja neahttadoarjjaoahpahusas. Dasa lassin oahppu heive buot oahpaheddjiide guđet leat beroštuvvan ovddidit digitála gealbbuset doaimmadettiin sámeoahpahusas dahje sámegielat oahpahusas iešguđet luohkkácehkiin ja iešguđet agi ohppiiguin. Oahpu vuolggasadji lea sámepedagogihka vuođđoprinsihpain.

Sisdoallu lea erenoamáš ávkkálaš oahpaheddjiide geat dáhttot:

  • ovddidit pedagogalaš ja teknologalaš gelbbolašvuođa ja mo dan galgá heivehit ja geavahit iešguđet fágain - erenomážit sámegiela oahpahusas, iešguđet oahppoollisvuođain ja iešguđet agi ohppiiguin
  • geavahit ja atnit ávkin iešguđetlágan digitála reaidduid oahpahusas
  • geavahit neahttavuđot kommunikašuvdnareaidduid ohppiiguin ja mo daid geavahit oahppandilis
  • ovddidit gealbbu čađahit oahpahusa gáiddusin bokte

Oahpus leat golbma (3) modula main guđesge leat 5 oahppočuoggá. Modulaid sisdoalut leat:

  • ODG 185-1  Oahpaheaddji profešuvdnafágalaš digitála gelbbolašvuohta:

Teorehtalaš vuođđu: TPACK-modealla (Technological Pedagogical Content Knowledge Framework), sámepedagogihka vuolggasadji, vuosttaš ja nuppigiela oahpaheapmi ja prošeaktabargu

  • ODG 185-2 Gáiddusoahpahusa čađaheapmi:

Geavatlaš hárjehusat ja metodat: vuodjut iešguđetlágan metodaide maid sáhttá ávkkástallat gáiddusoahpahusas nugo CLIL (Content and Language Integrated Learning),

  • ODG 185-3 Geavatlaš reaiddut ja hárjehusat:

Čiekŋudeapmi: prošeaktabarggu čađaheapmi ja ovdanbuktin (oahpaheaddjit geahččalit man nu čovdosa ja raporterejit dan birra), koden, speallan, programmeren, prošeaktabarggu plánen, digitála čovdosat.
 

Oahpaheddjiide:

Oza stipeandda dehe sadjásašortnega Oahpahusdirektoráhta siidduin https://www.udir.no/kvalitet-og-kompetanse/etter-og-videreutdanning/larere/soknadsprosessen/

Sámi allaskuvlla oahppofálaldagaide sáhttá ohcat ruhtadeami Oahpahusdirektoráhta KfK ortnega bokte. Sáhtát ohcat doarjaga oahppofálaldagaide mat eai leat Oahppodirektoráhta katalogas. De merket ohcamis ahte háliidat ohcat eará oahppofálaldagaide (andre studietilbud). Eará fálaldagat addet vuoigatvuođa seamma eavttuide go dat fálaldagat mat leat oahppokatalogas.  Ohcama ferte rektor ávžžuhit ja skuvlaeaiggát dohkkehit.

Oahpahusdirektoráhta ohcanáigemearri lea 01.03.2021. Go oahppofálaldat ii leat oahppokatalogas, de fertet maiddái ohcat Sámi allaskuvlla ohcanportála bokte.

KOORDINATOR

Rauni Äärelä-Vihriälä
+358 45 2748726
rauniav@samas.no

Opptakskrav

Dábálaš sisabeassangáibádusat alitoahpahussii ja sámegielmáhttu. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta.

Dasa lassin gáibiduvvo ahte ahte ohcci lea juogo čađahan dahje čađaheame vuođđoskuvlaoahpaheaddjeoahpu dahje vástideaddji oahpu, dahje ahte ohcci bargá skuvllas.

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.