BA - Single course

DUO 290 Duoji ja hábmema bachelorbargu

  • Oahpahusgiella: Sámegiella
  • Oahpahusbáiki: Sámi allaskuvllas
  • 10 oahppočuoggá
  • Oahppoplána

Sisdoallu
Duodjefágalaš bargu fáttás maid studeanta ieš lea válljen ovttasráđiid bagadalliin. Bachelorbargu lea duddjonoassi ja čálalaš čilgehus. Bachelorbarggus studeanta duddjo ja guorahallá duddjoma ieš válljen geahččanguovllus ja čállá dieđalaš teavstta, mas atná relevánta gálduid. Bachelorbarggu vuođđun lea dutkanplána, man bagadalli lea dohkkehan.

Entrance requirements

Studeanttat galget leat čađahan čuovvovaš oahpuid ovdal besset álgit Duodji ja hábmema bachelorbargui: DUO 101 Duddjoma ja hábmema bargovuogit (10 oč), DUO 102 Bistevaš design (15 0č), DUO 120 Eamiálbmot duodje- ja dáiddadiehtu (15oč), ja DUO 244 Duodji ja ovdánahttin (30 oč).  
  
Dábálaš sisabeassangáibádusat alitoahpahussii. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga/gymnása) dahje reálagelbbolašvuohta. Dasa lassin gáibiduvvo sámegielmáhttu. 
 
Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.  

Koordinator

Valkeapää, Samuel
E-mail: 
Samuel.Valkeapaa@samiskhs.no