BA - Single course

Kulturjournalistihkka

  • Oahpahusgiella: Oahpahusgiella lea davvisámegiella. Eará gielat sáhttet geavahuvvot oahpahusas. Oahpahus eará gielaide dulkojuvvo dárbbu mielde. Oahpahus eaŋgalsgillii ii dulkojuvvo. 
  • Oahpahusbáiki: Sámi allaskuvla, Guovdageaidnu ja neahta bokte
  • Oasseáigeoahppu, 10 oahppočuoggá
  • Diibmoplána/deaivvadanplána: TimeEdit Samisk Høgskole - Sámi allaskuvla


Studeanttat ohppet kulturjournalistihka iešguđet šáŋŋeriid mas kultuvra- ja dáiddakritihkka lea deháleamos oassi. Studeanttat ohppet kulturjournalistihka guovddáš ovdanbuktinvugiid kulturođđasiid ja kulturreportášaid. Dasa lassin sii oahpásnuvvet sámi kulturorganisašuvnnaide ja ohppet geavahit kultureallima vuođđun ođđasiid ráhkedeames.
Studeanttat oahpásmuvvet iešguđetge dáiddašlájaide ja besset iežas beroštumiid mielde válljet árvvoštallat muhtin daid čuovvovaš dáiddašlájain:

  • Dáiddaduodji
  • Govvadáidda
  • Installašuvnnat
  • Girjjálašvuohta
  • Musihkka
  • Teáhter
  • Filbma


Studeanttat geain lea teknihkalaš gelbbolašvuohta, sáhttet ráhkadit árvvoštallamiid TV-, rádio- dahje neahttamediaide. Eará studeanttat čovdet geatnegahtton bargguid dainna lágiin ahte buktet čálalaš árvvoštallamiid oktan govaiguin.

Filesize: 224 KB

Entrance requirements

Dábálaš sisabeassangáibádusat alitoahpahussii ja sámegielmáhttu. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta.

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.