Dárbbašat go don soapmásin ságastit?
Ii leat čiegus ášši ahte olbmo bargodilli sáhttá čuohcat ruovttudillái ja ruovttudilli fas bargodillái. Olmmožin vásihit stuorát dahje unnit roasuid eallimis, gáibádusaid iešguđetge sajiin maid orro leamen váttis duhtadit, stuora hástalusat ja nu ain. Dan áiggis go leat dál, vásihit mii erenoamáš dili mii guoská sihke bargodilálašvuhtii, muhto maiddái muđui min eallimii. Dákkár bealit sáhttet čuohcat olbmo buresveadjimii ja bargomoktii.
Allaskuvla háliida váldit vára dus mielbargin ja danne fállat dál ovttasráđiid Hemisain ságastanfálaldaga. Hemisas leat čeahpes ja ámmátlaš bargit geain sáhttá diŋgot ságastanfálaldaga.
Diŋgojupmi dahkko bargiidossodaga bokte ja mii eat gáibit diehtit manne dárbbašat ságastit ja man birra. Jus háliidat oktavuođa Hemisain, de váldde oktavuođa bargiidhoavddain, maykuv@samas.no dahje bargiidráđđeaddin inghilde@samas.no
Dá oanehis filmmaš gos Hemis čilge fálaldaga.