Joatkkaoahput oahpaheddjiide

Matematihkka 2 joatkkaoahppun 5.-10. ceahki vuođđoskuvlaoahpaheddjiide

  • Oahpahusbáiki: Sámi allaskuvllas, neahttavuđot prográmmat sáhttet geavahuvvot logaldallamis, bagadallamis ja sisabuktimis.
  • Oahppokoda: V5MAT-6002
  • Oahpahusgiella: Dárogiella, eaŋgalasgiella dahje sámegiella     
  • Oahpu lágideapmi: Neahta ja deaivvademiid bokte, guovtti lohkanbaji badjel
  • 30 oahppočuoggá
  • Fága fállojuvvo joatkkaoahppun 5.-10. ceahki vuođđoskuvlaoahpaheddjiide.
  • PDF icon Oahppoplána
  • Diibmoplána:TimeEdit

Oahpus deattuhit daid fáttáid: funkšuvdnaoahpa, lohkoráidduuid (tallfølger) ja gurgadasaid, álgologuid, oaivvisrehkenastima, matematihkalaš jurddašeami ja resonnerema, matematihkalaš duođaštusaid, iešguđetlágan perspektiivvaid, matematihkalaš gelbbolašvuođa, matematihkkadidaktihkalaš oahpahanmodeallaid ja matematihka oahppama mas erenoamážiid fokusere álgoálbmotkultuvrraid, našuvnnalaš ja riikkaidgaskasaš matematihkka iskamiid ja guorahallamiid.

Oahppanaktivitehtat lágiduvvojit sihke neahta bokte ja deaivvademiin. Oahpahan-ja oahppanvuogit leat logaldallamat, seminárat, rehkenastinbádji oahpaheddjiin, joavkobarggut,iešheanálaččat hárjehallat digitála reaidduid atnima, iešheanálaš lohkan ja rehkenastin/matematiseren, fágaidrasttideaddji barggut, reflekšuvdnabargu, fágamáhppa ja hárjehusat. Oahpahusas deattuhuvvo árbevirolaš bargobihttáčoavdin, diđošteapmi, digaštallan ja ákkastallan.

 

Oahpaheddjiide:

Oza stipeandda dehe sadjásašortnega Oahpahusdirektoráhta siidduin https://www.udir.no/kvalitet-og-kompetanse/etter-og-videreutdanning/larere/soknadsprosessen/

Sámi allaskuvlla oahppofálaldagaide sáhttá ohcat ruhtadeami Oahpahusdirektoráhta KfK ortnega bokte. Sáhtát ohcat doarjaga oahppofálaldagaide mat eai leat Oahppodirektoráhta katalogas. De merket ohcamis ahte háliidat ohcat eará oahppofálaldagaide (andre studietilbud). Eará fálaldagat addet vuoigatvuođa seamma eavttuide go dat fálaldagat mat leat oahppokatalogas.  Ohcama ferte rektor ávžžuhit ja skuvlaeaiggát dohkkehit.

Oahpahusdirektoráhta ohcanáigemearri lea 01.03.2021. Go oahppofálaldat ii leat oahppokatalogas, de fertet maiddái ohcat Sámi allaskuvlla ohcanportála bokte.

Filesize: 204 KB

Entrance requirements

  • Čađahuvvon oahpaheaddjeoahppu mii addá gelbbolašvuođa oahpahit 5.-10. ceahkis vuođđoskuvllas
  • Sámegielmáhttu
  • Ohcci ferte oahppoáiggi leat virgáduvvon oahpahusvirggis vuođđo-dahje joatkkaskuvllas
  • Čađahuvvon Matematihkka 1 dahje vástideaddji 30 oahppočuoggá matematihkas

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.