BA - Sierra kursa

SÁM 241 Láidehus sámi báikenammadutkamii

  • Oahpahusgiella: Davvisámegiella lea váldooahpahusgiellan. Eará sámegielat ja suoma-, ruoŧa-, dáro- ja eaŋgalsgiella sáhttet adnojuvvot omd. guosselogaldallamiin.
  • Oahpahusbáiki: Sámi allaskuvllas ja vejolaččat neahta bokte
  • 10 oahppočuoggá
  • Oahppoplána

Gurssas guorahallojuvvojit čuovvovaš nammafágalaš vuođđodieđut erenoamážit gielladieđalaš geahččanguovllus:

  • sámi báikenammafága historjá ja dálá dilli;
  • sámi báikenammafága sajádat sihke Davviriikkaid nammadutkanárbevierus ja eamiálbmogiid fágaárbevierus;
  • báikenammadutkama gielladieđalaš vuođđometodihkka;
  • nammafágalaš metodihka ja ráhkaduslaš analysa heiveheapmi erenoamážit sámi báikenammadutkamii;
  • sámi guovlluid guovtte- ja máŋggagielat nammaráju lonenvuogit ja kontáktaonomastihka vuođđoprinsihpat;
  • nammagáhtten ja sámi báikenamaid standardiseren.

Sisabeassangáibádusat

Studeanta lea čađahan dahje čađaheame Sámegiela ja sámi girjjálašvuođa bachelorprográmma vuođđooahpuid ja giellafágalaš fágaoahpuid (gč. prográmmaplána) dahje sus leat vástideaddji alit dási oahput.

Sámegiela ja sámi girjjálašvuođa bachelorprográmma oppalaš sisabeassangáibádusat leat čilgejuvvon oahppoprográmmaplánas.

Koordinator

kaisarh's picture
Helander, Kaisa Rautio
Phone: 
E-mail: 
Kaisa-Rautio.Helander@samiskhs.no