MA - Sierra kursa

OKT 303 Giellagáhtten ja deakstaoahppa

Oahppu lea oassin sámegiella ja sámi girjjálašvuođa masterprográmmas, ja dan sáhttá lohkat ovttaskas oahppun.

Oahppu čiekŋuda studeantta dáidduid iešguđetlágan deavsttaid čállimis, analyseremis, divvumis ja buorideamis. Deaddu lea erenoamážit áššedeavsttain, mat gieđahallet fágalaš ja dieđalaš fáttáid. Sii ohppet hálddašit fágalaš ja dieđalaš deavsttaid ráhkadussii, stiilii ja giellageavahussii guoski gáibádusaid ja vuordámušaid.

Sisabeassangáibádusat

Sisabeassangáibádussan leat Sámegiela ja sámi girjjálašvuođa masterprográmma oppalaš sisabeassangáibádusat mat leat čilgejuvvon oahppoprográmmaplánas.