BA - Joatkkaoahppu

OAP Bagadallanpedagogihkka 1

  • Oahpahusgiella: Dábálaččat sámegiella muhto maiddái eará gielat
  • Oahpahusbáiki: Sámi allaskuvla
  • 15 oahppočuoggá guovtti lohkanbaji badjel
  • Oasseáiggeoahppu. 7,5 oahppočuoggá 2018 giđa ja 7,5 oahppočuoggá 2018 čavčča
  • Oahppoplána

Háliidat go nannet gelbbolašvuođat bagadallanrollas ja oahpaheaddjiámmáhis? De mii ávžžuhit du ohcat ja álgit dán joatkkaohppui!

Sisdoallu

Oahpahusa vuođđojurdda lea heivehuvvon bargguide,vásáhusaide ja oktavuođaide gaskal bargohárjehallama ja teoriija. Oahpu ulbmil lea ahte studeanttat galget sáhttit atnigoahtit daid iešguđetlágan bargovugiid iežaset bagadallandoaimmain. Danne leat oahpahusa bargovuogit seamma mávssolaččat go fáttát, maid gieđahallat oahpahusas. Dat mearkkaša ahte šaddá lagas oktavuohta das maid bargá (sisdoalu ektui) ja vuohki movt daid bargá (bargovuogit ja organiserenvuogit). Oahpus leat iešguđetlágan bargovuogit, maidda ieš ferte ollu oassálastit. Go čađaha oahpu, de eaktuda dat ahte studeanttat beroštit ja váldet ovddasvástádusa iežaset oahpahusbargguide ja oktasaš oahppobirrasii.

 

Sisabeassangáibádusat

  • Ovdaskuvlaoahpaheaddjioahppu, dábálašoahpaheaddjeoahppu, praktihkalaš pedagogihkka, mánáidsuodjaluspedagoga, sosionoma, suodjalandivššár, politiija dahje eará heivvolaš oahppu universitehtas dahje allaskuvllas. Sáhttá árvvoštallot reálagelbbolašvuođa duogážiin.