BA - Sierra kursa

JOU Sosiála mediat 2

  • Oahpahusgiella: Davvisámegiella, muhto skandináva gielat ja eŋgelasgiella sáhttet geavahuvvot. 
  • Oahpahusbáiki: Sámi allaskuvla      
  • 5 oahppočuoggá
  • Oahppu lea oassi Sámi journalistihka bacheloroahpus, ja joatkka Sosiála mediat 1 oahpus
  • Oahppoplána

Studeanta oahppá sosiála mediaid (SoMe) rolla mediadiehtagis. Čiekŋuda eanet manne ja mo olbmot geavahit sosiála mediaid. Studeanta oahppá árvvoštallat ja analyseret movt joavkkut juogadit ođđasiid ja dieđuid sosiála mediain. Studeanta oahppá ráhkadit filmmaid dahje sosiála media Snapchat ráiddu mas lea dihto fáddá ja nu geahččala studeanta olahit stuorát joavkku iežas diehto- dahje ođasráidduin. Oahpus maid kártet mo ja makkár ođđasiid, dieđuid ja govaid bidjet servodaga njunuš olbmot ja oahppat analyseret makkár leat olbmuid media dábit. Dán dásis ohppet mo teknologiija ovdána ja mo nagoda ođđaseamos dieđuiguin olahit publikumma. Etihkka vuoruhuvvo, sihke sisdoalu, govaid ja publiseremiid ektui.

Sisabeassangáibádusat

Studeanta galgá leat čađahan Sosiála mediat 1 dahje vástideaddji oahpu ovdal beassá álgit Sosiála mediat 2 ohppui.

Oppalaš lohkangelbbolašvuohta (čađahan joatkkaskuvlla/logahaga) dahje realagelbbolašvuohta ja sámegielmáhttu.

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegielagáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš
árvvoštallamii ja meannuduvvo dán vuođul.

Koordinator

livis's picture
Somby, Liv Inger
Phone: 
E-mail: 
Liv-inger.Somby@samiskhs.no