BA - Sierra kursa

JOU Journalistihka giellagáhtten 1

  • Oahpahusgiella: Oahpahusgiella lea davvisámegiella, muhto skandináva gielat ja eŋgelasgiella sáhttet geavahuvvot. 
  • Oahpahusbáiki: Luohkkálatnjaoahpahussan Sámi allaskuvllas ja/dahje neahttaoahpahussan        
  • 5 oahppočuoggá
  • Oahppu lea oassi Sámi journalistihka bacheloroahpus
  • Oahppoplána
  • Lohkanbadjeplána

Journalistihka giellagáhtten 1 lea láidehus giellagáhttemii. Journalistihka giellagáhtten 1:ža figgamuššan lea buoridit studeanttaid gielalaš diđolašvuođa ja čalmmustahttit journalistta rolla gielalaš váikkuheaddjin sámi servodagas. Studeanttat ohppet áššiid maid giellagáhtten sisdoallá: riektačállima, sátneráju ja dadjanvugiid, sojaheami, cealkkaoahpa ja vierrogielaid váikkuhusaid. Oahpahusas váldojuvvojit ovdan muhtun giellagáhttenáššit, mat leat čoggojuvvon studeanttaid iežaset čállosiin dahje journalisttalaš teavsttain.

Studeanttat ohppet geavahit giellaoahpaid, sátnegirjjiid ja interneahta materiálaid veahkkeneavvun ee. Divvun-prográmma, Giellatekno- ja Giella.org-siidduid.

 

Sisabeassangáibádusat

Oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta ja sámegielmáhttu.

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Koordinator

Somby, Liv Inger
Phone: 
E-mail: 
Liv-inger.Somby@samiskhs.no

Studenten

– Here I gained insights on the role of media and the construction of society and minorities, such as the Sámi and Frisians.
Lieuwe Jan Hettema