BA - Sierra kursa

JOU 106-1 Govven- ja filbmenoahppu 1

  • Oahpahusgiella: Oahpahusgiella lea davvisámegiella, muhto skandináva gielat ja eŋgelasgiella sáhttet geavahuvvot. 
  • Oahpahusbáiki: Sámi allaskuvllas       
  • 5 oahppočuoggá
  • Oahppu lea oassi Sámi journalistihka bacheloroahpus
  • PDF icon Oahppoplána
  • Lohkanbadjeplána

Studeanta galgá dán oahpus oahppat filbmet ja analyseret filmmaid. Oahppá hábmet oanehis giehtačállosa ja mo geavaha filbmema vuođđoteknihkaid. Oahppá čuohppat filmmaid ja mo geavaha jienaid ja musihka filbmabarggus. Govvenoasis studeanta oahppá kámera geavahit ja mo galgá govaid heivehit journalisttalaš muitalusaide. Oahppá maid digitálakámera geavaheami ja mo govaid buoreda redigeredettiin. Stillsgovvemis oahppá ođasšáŋŋera govvideami, sihke portreahtaid, olbmuid árgabeaivvi ja luonddugovaid.

Sisabeassangáibádusat

Oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta ja sámegielmáhttu.

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Koordinator

livis's picture
Somby, Liv Inger
Phone: 
E-mail: 
Liv-inger.Somby@samiskhs.no