BA - Sierra kursa

JOU 100-1 Ođasjournalistihkka 1

  • Oahpahusgiella: Oahpahusgiella lea davvisámegiella, muhto skandináva gielat ja eŋgelasgiella sáhttet geavahuvvot. 
  • Oahpahusbáiki: Sámi allaskuvllas, neahttavuđot prográmmat sáhttet geavahuvvot logaldallamis, bagadallamis ja sisabuktimis.     
  • 15 oahppočuoggá
  • Oahppu lea oassin Sámi journalistihka bacheloroahpus
  • PDF icon Oahppoplána
  • Lohkanbadjeplána

Studeanta galgá dán oahpus oahppat ođasjournalistihka. Studeanta buvttada ođđasiid áddehahtti vugiin, mas vuoruhuvvo sihke journalistihkka, preassaetihkka ja giellaoahppu. Studeanta oahppá gáldogeavaheamis, mo vállje gálduid ja mii lea gáldokritihkka. Studeanta oahppá árvvoštallat iežas ja earáid bargguid preassaehtalaš njuolggadusaid ektui. Praktihkalaš oasis ohppet govvet, filbmet ja áicit nu mo leat ođaskriteriat.

Sisabeassangáibádusat

Oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta ja sámegielmáhttu.

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Koordinator

Somby, Liv Inger
Phone: 
E-mail: 
Liv-inger.Somby@samiskhs.no