BA - Sierra kursa

DUO 141 Duodje- ja digitálamuitalusat

Oahpus studeanttat ohppet geavahit dávvirvuorkkáid ja eará vuorkkáid vuođđun iežaset duddjomis. Studeanttat ohppet, mo sáhttá sin duodji lea visuálalaččat geasuheaddji ja mo sin duojis lea beaktilis muitalus. Praktihkalaš duddjon ja hábmenoassi leat guovddážis, go galgá hárjehallat duddjot ja ráhkadit muitalusa.

Digitála bargovuogit, dego ovdamearkka dihte govven, filbmen ja sosiála media,  leat veahkkeneavvun go ráhkadit duodjái muitalusa. Dákkár ovdanbuktimat leat dehálaččat dán áigge  duoji márkanfievrrideamis.

Oahppu heive erenoamážit daidda, geain lea iežaset fitnodat dahje leat plánen cegget dakkára. Dat heive maiddái doarjjafágan duodje- ja hábmenbachelora studeanttaide.

Oahpahusgiella lea dábálaččat davvisámegiella, muhto ovttaskas fáttáin sáhttá oahpahus leat eará sámegillii dahje eará gillii. Eará sámegielat studeanttaide láhččo dilli nu ahte sii sáhttet geavahit iežaset sámegiela, dahje lea maid vejolaš geavahit eará giela go sámegiela.

Sisabeassangáibádusat

  • Gáibádusat beassat ohppui leat dábálaš sisabeassangáibádusat alitoahpahussii.
  • Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta. Dasa lassin gáibiduvvo giellamáhtolašvuođa davvi-, julev- dahje máttasámegielas.

Sámegiela gáibádusa sáhttá deavdit čuovvovaš vugiid mielde:

  • Norgga joatkkaskuvllas sámegiella 1. dahje 2. giellan 2
  • Suoma logahagas eatnigielladutkkus dahje lohkan sámegiela vierrogiellan
  • Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde
  • Sámegiela lohkanbadjeoahpuin, 30 oahppočuoggá, dahje vástideaddji oahpuin
  • Ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul

Ohccit galget sáddet sisa 8-10 gova dujiin ja daid detáljain.

Koordinator

ingaepi's picture
Idivuoma, Inga Elisa Påve
E-mail: 
Inga-Elisa-Pave.Idivuoma@samiskhs.no